лучший сайт где можно скачать шаблоны для dle 11.2 бесплатно

“Бир суд – бир инстанция” принципи тараўындағы өзгерислердиң жаңа басқышы

Ҳеш биримизге сыр емес, соңғы жылларда мәмлекетимизде суд-ҳуқық дизимин және де жетилистириў, пуқара ҳәм исбилерменлердиң ҳуқық ҳәм нызамлы мәплерин исенимли қорғалыўын күшейиттириў, әдил судлаўды нәтийжели тәмийинлеў, судьялардың жәмийеттеги орнын асырыў ҳәмде суд ҳәкимиятының шын мәнисинде әдалат қорғанына айландырыў бойынша бир қанша жумыслар алып барылмақта.

Атап айтқанда;
Өзбекстан Республикасы Президенти Шавкат Мирзиёев тәрепинен 2020-жыл 24-июль күни «Судлар жумысын және де жетилистириў ҳәм әдил судлаў нәтийжелилигин асырыўға байланыслы қосымша ис-илажлар ҳаққында»ғы Пәрманы имзаланды. Пәрман менен әдил судлаў нәтийжелилигин асырыўға байланыслы көпғана ис-иләжлар белгиленди:

- ўәлаят ҳәм оған теңлестирилген пуқаралық ислери бойынша, жынаят ислери бойынша судлар ҳәм экономикалық судлар негизинде судьялардың қатаң қәнигелесиўин caқлап қалған ҳәм суд ислерин жүритиў түрлери бойынша жеке судлаў коллегиясын шөлкемлестирген ҳалда Қарақалпақстан Республикасы, ўәлаятлар ҳәм Тәшкент қала улыўмаюрисдикция судларын шөлкемлестириў;

- ҳәкимшилик ҳуқықбузарлықлар ҳаққындағы ислерди көрип шығыў ўәкиллигин ҳәкимшилик судларынан жынаят ислери бойынша судларға өткизиў;

- ҳәкимшилик ҳәм басқа ғалаба ҳуқықый мүнәсибетлерден келиб шығатуғын ислерди көриўге қәнигелестирлген Қарақалпақстан Республикасы, ўәлаятлар орайлары ҳәм Тәшкент қаласында районларара ҳәкимшилик судларын шөлкемлестириў, усы мүнәсибет бенен район (қала) ҳәкимшилк судларын тамамлаў. Бунда Қарақалпақстан Республикасы, ўәлаятлар ҳәм Тәшкент қала ҳәкимшилик судлары caқлап қалыныўы;

- жынаят ислери бойынша Бозатаў, Тахыяташ, Бандихан, Топыраққала районлары судларын шөлкемлестириў;

- суд ислерин қадағалаў тәртибинде көриў институтын тоқтатыў, Өзбекстан Республикасы Жоқары суди баслығы, Бас прокуроры ҳәм олар орынбасарларының судтың ҳал қылыў қарарлары, ҳүкимлери, уйғарыўлары ҳәмде қарарлары үстинен қадағалаў тәртибинде протест киритиў ҳуқықин бийкар қылыў;

- районларара, район (қала) судларының қарарларын ўәлаят ҳәм оған теңлестирилген судлар тәрепинен, ўәлаят ҳәм оған теңлестирилген судлардың биринши инстанция суды сыпатында шығарған қарарларын болса Өзбекстан Республикасы Жоқары судының судлаў коллегиясы тәрепинен апелляция тәртибинде қайта көрип шығыў;

- апелляция тәртибинде көрип шығылған суд қарарларын Өзбекстан Республикасы Жоқары судының судлаў коллегиялары тәрепинен кассация тәртибинде қайта көрип шығыў;

- Өзбекстан Республикасы Жоқары суды судлаў коллегиялары тәрепинен кассация тәртибинде көрип шығылған ислер бойынша шығарылған суд қарарларын Өзбекстан Республикасы Жоқары суды баслығы, Бас прокуроры ҳәм олар орынбасарлары протестине көре кассация тәртибинде такираран көрип шығыў;

- мәмлекет айыплаўшысы айыплаўдан бас кешкен тәғдирде реабилитация тийкарларына көре жынаят исин тамамлаў;

- прокурор тәрепинен судтың нызамлы күшке кирген ҳүким, ҳал қылыў қарары, уйғарыў яки қарары бойынша ислерди, усы ислер жүзесинен тәреплер мүрәжати бар болған ҳалда ғана, судтан шақырып алып үйрениў;

- нызамда нәзерде тутылған ҳаллардан тысқары судларда басқа шахслардың басламасы менен гүзетилген пуқаралық ҳәм экономикалық ислердиң көрилиўинде прокурор өз басламасы менен қатнасыў.

Бир сөз белен айтқанда, усы қабыл қылынған Пәрман ҳәр бир суд босағасына әдалат излеп келген пуқаралар ҳәм исбилерменлердиң ҳуқық ҳәмде нызамлы мәплерин исенимли қорғаў ушын хызмет қылады.

Ж.М.Алланиязов
Жынаят ислери бойынша 
Караѳзек районы судының баслығы

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы