Нөкис райондағы балалар бақшасы қурылысы ушын ажыратылған пуллар лаўазымлы шахслары тәрепинен өзлестирилген
- 29.01.2021, 19:04,
- Қарақалпақстан / Жәмийет
- 244
Нөкис районы «Ақманғыт» АПЖ аймағындағы 6-санлы мектепке шекемги билимлендириў мәкемеси қурылысы ушын ажыратылған бюджет пуллары «Инфраструктураны раўажландырыў бойынша инжиниринг компаниясы» Қарақалпақстан Республикасы филиалы лаўазымлы шахсларына талан-тараж еткени ушын Өзбекстан Республикасы Жынаят кодексиниң тийисли статьялары менен жынаятлы ис қозғатылды.
Қарақалпақстан Республикасы прокуратурасының берген мағлыўматына көре, 2020-жыл 11-май күни Өзбекстан Республикасы Мектепке шекемги билимлендириў министрлигиниң «Инфраструктураны раўажландырыў бойынша инжиниринг компаниясы» Қарақалпақстан Республикасы филиалы – Буйыртпашы ҳәм «Max Elit Stroy» ЖШЖ – орынлаўшы арасында күни Нөкис районы «Ақманғыт» АПЖ аймағындағы 6-санлы мектепке шекемги билимлендириў мәкемеси қурылысы ушын шәртнама дүзилген.
Шәртнама шәртлериниң орынланыўы ҳәм ажыратылған бюджет пулларының мақсетли сарыпланыўы үйренилгенде, «Max Elit Stroy» ЖШЖ ҳәм Өзбекстан Республикасы Мектепке шекемги билимлендириў министрлигиниң «Инфраструктураны раўажландырыў бойынша инжиниринг компаниясы» Қарақалпақстан Республикасы филиалы лаўазымлы шахслары тәрепинен есап-фактураларға жалган мағлыўмат ҳәм жазыўлар киргизиў жолы менен ҳүжжетлер қәлбекилестирилип, жәми 94 млн. сум муғдарында бюджеттен ажыратылған пуллар өзлестириў жолы талан-тараж етилгенлиги анықланды.
Усы ҳалат бойынша Қарақалпақстан Республикасы прокуратурасы тәрепинен Өзбекстан Республикасы Жынаят кодексиниң тийисли статьялары менен жынаятлы ис қозғатылды.
Ҳәзирги ўақытта дәслепки тергеў ҳәрекетлерии алып барылмақта.
скачать dle 11.3
Facebook
Вконтакте
Одноклассники
Google+
