лучший сайт где можно скачать шаблоны для dle 11.2 бесплатно

Пайтахтымыздағы 22-киши районда социаллық жәрдемге мүтәж шанарақларға қандай жәрдемлер көрсетилемекте?

Жынаятшылықтың алдын алыў, пуқараларды ҳәр түрли жат иллетлерден қорғаў тийкарғы ўазыйпа болып табылады. Бул бойынша пайтахтымыздағы 22-киши районында жәми 32 көп қабатлы турақ жайларды бирлестирип киятырған «Темир Жол» МПЖ өз белсендилигин көрсетип келмекте.

«Аймағымызда ИИБ нен бекитилген инспектор С.Қаллибеков, МПЖ пасбаны И.Қутыбаев, Ҳаял қызлар бойынша қаниге Г.Пахратдинова ҳәм аймақ белсендилери менен биргеликте пуқаралар арасында түсиндириў жумыслары, бирге ислесиў ўазыйпалары режелестирилип әмелге асырылмақта. Және де аймақта кешки рейдлер өткерилип келмекте»

-дейди «Темир Жол» мәкән пуқалар жыйыны баслығы З.Файзуллаев«Буның натийжесинде өткен жыл даўамында жынаятшылықты 19 дан 16 ға кемейтиўге ерисилди. Пуқаралардың ден-саўлығын сақлаў бойынша аймаққа бекитилген поликилиника шыпакерлери, мийрибекелер менен тығыз жумыс алып барылып, сырт елден келген 11 пуқара медициналық көриктен өткерилди. Емлениўге материяллық жақтан жағдайларының төмен екенлигин есапқа алып 4 пуқараға кем тамийнленген шаңарақ есабинан бийпул емлениў ушын ордерге усыныс берилди»

Аймақтағы 8/1 жай 36-ханадағы өзгениң жәрдемине мутаж пуқараға «Мәҳелле» фонди тарепинен арбаша берилген. Сондай-ақ кем тәминленген 8/2 жай 33, 34-ханаларда, 8/4 жай 45 ханада жасаўшы пуқараларға Газ плиталары берилди. Үш пуқараны төлемли жамийетлик жумысқа орналастырып, 2 пуқараны үй мийнети менен шуғылланып бандлигин тамийнлеў мақсетинде тигиў машиналары алып берилди.

 «Арал фонды» тәрепинен аймағымыздағы көп қабатлы турақ жайлардыӊ тәрепинен жайлардың алдына балалар майданшасы, бастырмалар қурылып, айрым турақ жайлармыздыӊ төбелери шиферланған.

Әмелге асырылып келинген усы натийжели ўазыйпалар себепли елимиз абад, халқымыз тыныш. Әлбетте биз сәбетимизди «Темир Жол» МПЖ менен шекленип қалмаймыз, пайтахтымыздағы ҳәр бир МПЖ ҳәм АПЖ лары 2018-жыл даўамында аймақ турғынларына қандай социяллық жәрдемлер көрсетилген, қандай кемшиликлер сапластырылғанлығы бойынша кейинги мақаларымызда жариялап барамыз.


 Сәўбетлескен: Алтынай Қалбаева

ҚМУ студенти

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Бизди күзетип барың
  • Вконтакте
  • Facebook
  • Twitter
Мақалалар