Бул штаб тек ғана қадағалаўшы емес, жаслар мүрәжатларын қабыллаўы да керек - А.Данияров

Бүгин, 15-февраль күни Қоңырат районындағы «Әдебият» аўыл пуқаралар жыйыны аймағында 22 жумыссыз жасқа жер ажыратылмақта.

- Жумыссыз жаслар ҳүрметли Президентимиз тәрепинен жаратылып атырған имканиятлардан нәтийжели пайдалана билсе, елимиз және де раўажланады. Жумыссыз жас түсиниги пүткиллей жоққа айланса ҳеш гәп емес, бул сиз жасларға байланыслы дейди, - сенатор Абат Данияров.

Сондай-ақ, А.Данияров Қоңырат районындағы Жасларға тийисли мәмлекетлик бағдарламаның орынланыўын қадағалаўшы штаб ушын белгиленген орынды барып көрди ҳәм ол жердеги шәраятлар менен танысты.

-Бул штаб тек ғана қадағалаўшы емес, жаслар мүрәжатлерин қабыллаўы да керек. Қоңыраттағы бул штаб барлық қала ҳәм районлар ушын Қарақалпақстандағы үлгили штаб болыўы керек, - деди сенатор А.Данияров.

Билдирилген усыныстан соң, район орайындағы бул штабта пуқаралар мүрәжатлары да қабылланатуғын болды ҳәм барлық шәраятларға ийе штаб бүгин кешке шекем таяр ҳалға келтириледи.