лучший сайт где можно скачать шаблоны для dle 11.2 бесплатно

2021-жылы «Nike» ҳәм «Аdidas» бренди менен Өзбекстанда аяқ кийимлер ислеп шығарылады

2019-жыл басында Қытай мәмлекетинен «Nike», «Аdidas» бренди астында кроссовкалар ислеп шығарыўшы «Тianjin Zhongzhilihua» компаниясы менен «SinoInternational» ЖШЖ ортасында келисимге ерисилген еди. Бул брендлер астында өним ислеп шығаратуғын завод Әндижан ўәлаятында иске түседи.
«Nike» ҳәм «Аdidas» кроссовкаларын ислеп шығарыўшы линия 2021-жыл 4-шерегинде иске түсип, 2022-жылдың 3-шерегинде толық қуўатта ислей баслайды. Заводта жылына жәми 3 миллион жуп спорт аяқ кийими ислеп шығарылыўы күтилмекте. Бул ҳаққында «Ўзчармсаноат» аўқамы Kun.uz'ға хабар берген.
2019-жыл басында әмелге асырылған «Тianjin Zhongzhilihua» компаниясы менен «SinoInternational» ЖШЖ ортасындағы келисимге муўапық, Әндижан ўәлаятында 2020 -2022-жылдан басқышпа-басқыш (улыўма 3 басқышта) «Nike» ҳәм «Аdidas» кроссовкаларын ислеп шығарыўды жолға қойыў ҳәм Орайлық Азия мәмлекетлерине таяр өнимлердиң 50 пайызын экспортқа жөнелтириў жобаластырылған.
Қытай мәмлекетинде коронавирус пандемиясы толық жөнге салынғаннан кейин, инвестор Фан Ронг Хуан қалған техникаларды импорт етип келтириўи жобаластырылған. Биринши басқыш 2021-жылдың 4-шерегинде иске түсип, жойбар 2022-жыл 3-шерегинде толық қуўатта иске түсиўи режелестирилген.
Хабар берилиўине қарағанда,  «SinoInternational» ЖШЖ кәрханасына Әндижан ўәлаяты Асака районынан 1 гектар жер майданы ажыратылған болып,  ҳәзирде 1000 кв. метр орынға жай имаратлары қурылған. Керекли техникалар алып келип орнатылған. Кәрхана 2020-жылдың 4-шерегинде иске түскен.
«Ўзчармсаноат» аўқамы мағлыўматына қарағанда,  ўәлаяттың сол аймағындағы жумыссыз ер адамлар ҳәм ҳаялларды жумысқа қамтыған жағдайда ҳәзирде сынақ жолы менен де 1 айда 40 мың жуп балалар ҳәм өспиримлер кроссовкалары ислеп шығарылмақта.
Аўқам хабарына қарағанда, «Nike», «Аdidas» кроссовкалары талап дәрежесинде ислеп шығарылғанынан кейин, ислеп шығарылған өнимлердиң 50 пайызын Орайлық Азия мәмлекетлерине экспорт етиўди «Tianjin Zhongzhilihua” компаниясы мойнына алған. Усының менен бирге, «SinoInternational» ЖШЖ халық аралық ярмаркаларда қатнасыў есабына 30 пайызын басқа мәмлекетлерге ҳәм 20 пайызын ишки базарға сатыўға келисилген.
Жойбардың финанслық дәреги - инвестор Фан Ронг Хуан болып,  жойбар толық иске түсиўи ушын туўрыдан-туўры 12 миллион АҚШ доллары муғдарында қаржы ажыратылыўы жобаластырылған. Ҳәзирде шет елли инвестор тәрепинен 6 миллион АҚШ долларлы инвестиция киритилген.
Сапура Темирханова
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы