лучший сайт где можно скачать шаблоны для dle 11.2 бесплатно

Қайсы еллерде ишки рейслер жоқ?

Бир қатар еллерде, түрли себеплерге байланыслы барлық рейслер тек халықаралық көлемде әмелге асырылады. Соған байланыслы бул миллий авиакомпаниялар, шегаралардың жабылыўынан зыян көрмекте:

 Голландияның «KLM» самолётлеры дунья бойлап ушады, бирақ өз елинде емес. Гәп сонда, Голландия өзи кишкене мәмлекет, буннан тысқары темир жол тармағы пүткил мәмлекетти қамтып алған. Сондай-ақ, қалалар арасында автобус байланысы жақсы раўажланған.
Бельгия да, темир жол транспорты раўажланған киши мәмлекет. Бельгияның «Brussels Airlines» авиакомпаниясы «Lufthansa Group» қурамына киреди ҳәм Европа бойлап рейслерди әмелге асырады.

Люксембург, Лихтенштейн, Андорра ҳәм Ватикан сыяқлы оғада кишкене еллерде ишки рейслер жоқ. Бирақ, кишкене мәмлекетлердиң ҳәммеси де ҳаўа байланысынан үзилмеген: Латвия, Эстония, Швейцарияда ишки рейслер бар (Женева ҳәм Цьюрихти таўлар ажыратып турғаны ушын, жер транспортында барыў көп ўақытты алады). Сондай-ақ, Ирландияда атаўлар көп болғаны ушын рейслер жолға қойылған.

Жақын Шығыстағы Кувейтте ишки рейслерде самолёт ушпайды. Көпшилик оны Гонконгқа усаған ел деп ойлайды (Гонконг - Қытайдың арнаўлы административлик районы). Мәмлекет оншелли кишкене емес. Темир жоллар, автобуслар қатнаўлары жолға қойылмаған. Халықтың 2/3 бөлеги метрополитен аймағында жасағаны ушын, сыртқы «қалаларына» барыўда тек автомобиль ямаса түйелерден пайдаланады.

Бундай жағдай Қатар («Qatar Airways»тиң бәрше рейслери халықаралық) ҳәм Бахрейнде де ушырайды. Сондай-ақ, елеге шекем БАӘ де ишки рейслер жоқ. Тек Әмирлик ишинде емес, ал қоңсылас араб еллери арасында да рейс жолға қойылмаған. Бирақ олар дуньядағы ең ири авиакомпаниялардың ийеси. Мысалы: Дубайдағы – «Emirates», Абу-Дабидағы – «Etihad», Шаржадағы – «Air Arabia».

Сингапурда да жергиликли рейслер жоқ: Бул қала-мәмлекет болып, «Singapur Airlines» компаниясы тек халқаралық пәрўазларды әмелге асырады. Бул жерде еки аэропорт болып, олар бир биринен 20 км қашықлықта жайласқан.

Дизимдеги мәмлекет авиакомпаниялары, шегараларын жаўып ең көп зыян көрген еллер. Ал ишки рейслери көп - Россия, АҚШ, Қытай сыяқлы ири мәмлекетлердиң авиакомпаниялары ең жақсы позицияда қалды. Бирақ АҚШ ҳәм Қытайдан жер майданы үлкен - Канадада халық саны аз болғаны ушын, ишки ҳаўа транспорты жақсы раўажланбаған.

Дерек: t.me/nukusairport
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы