лучший сайт где можно скачать шаблоны для dle 11.2 бесплатно

Қарақалпақстанда 84 наўқас созылмалы миелолейкоз диагнозы менен аўырған

Бүгинги күнде Қарақалпақстан Республикасында 84 наўқас созылмалы миелолейкоз диагнозы менен аўырған. Бул ҳаққында Қарақалпақтсан Республикасы Денсаўлықты сақлаў министрлиги мәлим етти.

Онкогематологиялық, яғный ақ қан кеселликлерин диагностикалаў ҳәм емлеўде ең жоқары технологиялық методларды турмысқа ҳәм тәжирийбеге енгизиў бойынша Ташкент қаласындағы Республикалық қәнигелестирилген гематология илимий-әмелий медицина орайы қәнигелер наўқасларды ҳәр қутысы 2000$ АҚШ доллары деп баҳаланған «glivec» деп аталыўшы АҚШтың «Asistencia a pacientes» программасы арқалы келетуғын қайыр-сақаўат бағдарындағы таблетка дәриси менен 100% тәмийинледи.
Өзбекстан Республикасы  Денсаўлықты сақлаў министрлигиниң бас гематологы Ҳамида Казакбаева, Республикалық қәнигелестирилген гематология илимий-әмелий орайы директорының илимий ислер бойынша орынбасары Азиза Махмудова, усы орайдың илимий ислер бойынша қәнигеси Ирина Сергеева ҳәм «Гемофилия» фондының Өзбекстандағы белсенди волонтёрлары О.Халмуратов атындағы Республикалық көп тармақлы медицина орайының Гематология бөлиминде болып, ол жерде емленип атырған наўқасларды медициналық тексериўден өткерди ҳәм диагнозлары менен танысты.
Дәриниң ишиў режимлери бойынша жергиликли шыпакерлер ҳәм наўқаслар менен үш күн даўамында тренинг-сабақлары өтиледи.
Бул емниң ең жақсы тәреплеринен бири наўқас бул емди емлеўхана шараятында емес, ал үй шараятында шаңарағынан, жумыс орнынан ажыралмаған ҳалда қабыл етеди.

Сондай-ақ, лабораторияда молекуляр-генетикалық анализлер менен ислейтуғын жергиликли врач-лаборантлардың дизими дүзилип, оларды усы жылдың ақырына шекем Республикалық қәнигелестирилген гематология илимий-әмелий медицина орайында жоқары технологиялы генетикалық усылда анализлер ететуғын қәнигелер сыпатында таярлаў ҳәм маманлығын асырыў режелестирилген.

zaman.uzскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы