лучший сайт где можно скачать шаблоны для dle 11.2 бесплатно

Ис ҳақы ҳәм ис стажын тастыйқлаў ҳаққындағы архив мағлыўматнаманы алыў тәртиби қандай?

Өзбекстан Республикасы Министрлер Кабинетиниң 2020-жыл 19-августтағы 495-санлы Қарары тийкарында ис ҳақы ҳәм ис стажын тастыйқлаў аққындағы архив мағлыўматларын бериў бойынша мәмлекетлик хызмет көрсетиўдиң админстративлик регламенти белгиленди.
Бул регламент бойынша пуқаралар жасына байланыслы пенсияға шығыўы ушын талап етилетуғын ис ҳақысы ҳәм ис стажына байланыслы мағлыўматнамаларды мәмлекетлик хызметлер орайынан алады.

Бунда арза бериўши МХОға келип мүрәжат етеди ямаса мәмлекетлик хызметлерден электрон түрде пайдаланыўы ушын БИМХПдан дизимнен өтеди. МХО қәнигеси арза бериўшиниң атынан электрон тәризде сораўнама толтырады. Сораўнамаға зәрүр мағлыўматлар киргизилгеннен соң арза бериўши оны өзиниң электрон имза(ЭСИ)си менен тастыйықлайды. Егер де арза бериўши БИМХП арқалы мүржәт еткен жағдайда сораўнаманы ЭСИ менен тастыйқлаў талап етилмейди. Мәмлекетлик хызмети көрсетилгени ушын арза бериўшиден жыйым өндирилмейди. Арза бериўши тәрепинен сораўнамада надурыс мағлыўматлардың көрсетилиўи, ямаса оны бийкарлаў мәмлекетлик хызмет көрсетиўди бийкарлаў ушын тийкар бола алады.

Арза бериўшилер мәмлекетлик хызметлерден пайдаланыўдан оны көрсетиўдиң ҳәр қандай басқышында бас тартыў ҳуқықына ийе. Сораўнама МХО қәнигеси тәрепинен толтырылып, арза бериўшиниң ЭСИ менен тастыйықланғаннан соң барлық ҳүжжетлер 10 минут даўамында тийисли мәмлекетлик архивине электрон тәризде жибериледи. Мәмлекетлик архиви сораўнама келип түскен ўақыттан баслап ис стажын тастыйқлаўға байланыслы мағлыўматлар ушын 5 жумыс күнинен, ис ҳақыны тастыйқлаўға байланыслы мағлыўматлар ушын 20 ис күнинен аспаған мүддетте  QR-кодлы мағлыўматнама тийисли мәмлекетлик хызметлер орайына жибериледи.

Электрон тәризде мүрәжәт еткен жағдайда БИМХП арқалы жибериледи ҳәм арза бериўшиниң сораўына көре  мағлыўматларды электрон яки қағаз түринде бериўи мүмкин.

Мәмлекетлик хызметлер орайы мағлыўматнама келип түскеннен соң 10 минут ишинде оны арза бериўшиниң электрон мәнзилине жибереди ҳәм арза бериўшини бул ҳаққында хабардар етеди. МХО ҳәм ўәкилликли органлары өз искерлигин әмелге асырыўы нәтийжесинде алынған мағлыўматлардыӊ сыр сақланыўын тәмийинлейди.

Жумабаев Жуманазар
Мәмлекетлик хызметлер орайы қәнигеси
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы