лучший сайт где можно скачать шаблоны для dle 11.2 бесплатно

Мойнаққа қурылатуғын казиноны «Корабльлер қойымшылығы» əтирапынан шөлкемлестириў усыныс етилмекте


Өзбекстан Республикасы Президентиниң 2020-жыл 11-ноябрьдеги «2020-2023-жылларда Қарақалпақстан Республикасын комплексли социаллық-экономикалық раўажландырыў ис-илажлары ҳаққында»ғы Қарарының 8-бəнтинде Мойнақ районында айрықша статусқа ийе туристлик-кеўилашар зонаны шөлкемлестириў нəзерде тутылған.

Мойнақ районы ҳәкимлиги Мәлимлеме хызметиниң жазыўынша, бул бойынша Өзбекстан Республикасы Бас министриниң орынбасары – инвестициялар ҳəм сыртқы саўда министри С.Умурзаков тəрепинен тастыйықланған «Қарақалпақстан Республикасының Мойнақ районында айрықша статусқа ийе туристлик-кеўилашар зонаны шөлкемлестириў бойынша ис-илажлар режеси (Жол картасы)» ислеп шығылды.
Жол картасында сол айырықша статусқа ийе туристлик-кеўилашар зонаны шөлкемлестириў жумысларын муўапықластырыў бойынша исши топар ҳəм де төмендеги киши исши топарлар дүзилди:

- Тəўекелшиликке тийкарланған ойынды(Казино) легалластырыў ҳəм тийисли ҳуқықый-норматив ҳүжжетлерге өзгерислер киритиў бойынша;
- Арнаўлы зонаның шегараларын анықлаў ҳəм бирлемши бас режени ислеп шығыў бойынша;
- Арнаўлы зонаны шөлкемлестириў ушын инвесторларды анықлаў ҳəм бас режени тастыйықлаў бойынша;
- Арнаўлы зонаны туристлер менен тəмийинлеў ҳəм миграция мəселелери бойынша.

Сондай-ақ, «Жол картасы»нда белгиленген ўазыйпалардың мүддетинде əмелге асырылыўын тəмийинлеў бойынша Қарақалпақстан Республикасы Министрлер Кеңеси баслығы Қ.Сариев тəрепинен тастыйықланған республикалық исши топар да дүзилген.

Усы жоқарыда айтылған исши топарлар тəрепинен бүгинги күнге дейин белгиленген аймақта:
- жоллар, суў тəмийнаты системасы, канализация ҳəм басқа да зəрүр инфраструктураны қурыў бойынша талап етилетуғын қаржы ҳəм қаржыландырыў дереклери бойынша;
- жайласқан имарат ҳəм қурылмаларды, жер участкаларын инвертаризациялаў ҳəм бос турғанларынан нəтийжели пайдаланыў бойынша усыныслар;

-туристлик-кеўилашар мəкемелер, саўда мəдений-кеўилашар ҳəм мийманхана комплекслери, сондай-ақ басқа да инфраструктура объектлерин қурыў ушын жер участкасын белгили бир инвестиция миннетлемелери менен электрон аукцион өткизбестен инвесторларға ажыратыў механизми;

-арнаўлы зонаны раўажландырыў бойынша бирлемши бас реже ислеп шығылмақта ҳəм улыўмаластырыў ушын исши топардың көрип шығыўы ушын киритиледи.

Киши исши топарлардың орынға шығып үйрениўлери нəтийжесинде туристлик-кеўилашар зонаның «Корабльлер қойымшылығы» комплексиниң («Мойнақ маяги») əтирапынан салыныўы усыныс етилмекте.

Айрықша статусқа ийе туристлик-кеўилашар зонаға (казино)туўры келетуғын орынның келеси март айында тастыйықланыўы күтилмекте.
zaman.uzскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы