Қарақалпақстанда пандемиядан соң биринши мәрте чартер катнаўы әмелге асырылды

Нөкис халықаралық аэропортына Қазақстан Республикасының "BEK AIR" авиакомпаниясы тарепинен дәслепки чартер катнаўы әмелге асырылды.

Қоңсылас Республиканың Ақтаў қаласынан пәрўазды әмелге асырған Boing 737 хаўа кемеси бүгин, яғыный 8-март күни, саат 14:55 те Нөкис халықаралық аэропортына келип қонды.

Бул рейс арқалы саат 16:18 де жерлеслеримизден 149 жолаўшы Ақтаў қаласына ушып кетти.

Алдынрақ хабар бергенимиздей, Өзбекстан менен Қазақстан ортасында авиарейслер тикленбекте. Бүгин, сондай-ак, Үргенш халықаралық аэропортына Ақтаў қаласынан дәслепки рейс әмелге асырылғанын айтып өтиў керек. "SCAT" авиакомпаниясы самолеты жергиликли ўақыт пенен 7:00де Үргенш аэропортына келип конған.

"Нөкис халықаралық аэропорты" ЖШЖ мәлимлеме хызмети