лучший сайт где можно скачать шаблоны для dle 11.2 бесплатно

Қарақалпақстанда жыл басынан усы күнге шекем 64,7 гектар жер участкасы өзбасымшалық пенен ийелеп алынған

Жерден нызамсыз пайдаланыўды анықлаў, анықланған кемшиликлерди сапласырыў бойынша Кадастр Агентлиги Қарақалпақстан Республикасы басқармасы ҳәм район бөлимлери инспекторлары тәрепинен 2021-жылдың өткен даўири аралығында жәми 149 ҳалатда 64,7 гектар жер участкаларын өзбасымшалық пенен ийелеп алыў ҳалатлары анықланды.

Бул ҳаққында Кадастр Агентлиги Қарақалпақстан Республикасы басқармасында баспасөз конференциясында атап өтилди.
Онда басқарма баслығы Исатай Тлеуов, басқарма баслығы орынбасары Сейтмуратов Парахат хәм  тараўға жуўапкер болған қәнигелер ҳәм Ғалаба хабар қуралллаыр ўәкиллери қатнасты.
Конференцияда атап өтилгениндей, Қарақалпақстан Республикаси бойынша жәми бүгинги күнде жағдайына 410 мың 434 көшпес мүлк объектлери бар болып, бул объектлер 109 мың 485 гектар жер участкасында, соннан 28 мың 498 натурақ, 42 мың 744 га, ал 381 мың 936 турақ жай объектлери 66 мың 741 га есапқа алынған.

Сондай-ак усы жыл даўамында басқарма тәрепинен 496 гектар жер майданда жайласкан 3 мың 946 объект қосымша анықланып, салык тартыў мақсетинде жергиликли салық комитети базасына өткерилди. Өзбекстан Республикасы Президентиниң 2018-жыл 27-июньдағы ПП-5466-санлы “Жаслар келешегимиз мәмлекетлик бағдарламасы”ғы Пәрманы тийкарында усы күнге шекем 1 мың 201 жасқа 147 гектар жер майданы ажратып бериў бойынша “YERELEKTRON” АИС дәстүрине киритилди ҳәмде 690 жасқа 116 гектар исбилерменлик пенен шуғылланыў ушын жер майданлар ажратып берилди.
 
“Қарақалпақстан кадастр” каналының жазыўынша, Сондай-ақ, жерден нызамсыз пайдаланыўды анықлаў, анықланған кемшиликлерди сапласырыў бойынша Кадастр Агентлиги Қарақалпақстан Республикасы басқармасы ҳәм район бөлимлари инспекторлары тәрепинен 2021-жылдың өткен даўири аралығында жәми 149 ҳалатда 64,7 гектар жер участкаларын өзбасымшалық пенен ийелеп алыў ҳалатлары анықланды.
Соннан, Шымбай районында 54 ҳалатда 53,4 гектар, Беруний районында 32 ҳалатда 1,6 гектар, Төрткүл районында 22 ҳалатда 1,2 гектар, Кегейли районында 11 ҳалатда 7,5 гектар, Хожели районында 9 ҳалатда 0,27га  гектар, Елликқала районында 8 ҳалатда 0,4 гектар, Әмиўдәрья районында 4 ҳалатда 0,08 гектар, Қоңырат районында 3 ҳалатда 0,02 гектар, Тақыятас ҳәм Шоманай районларында 2 ҳалатда 0,2 гектар ҳәмде Тахтакөпир районы 1 ҳалатда 0,05 гектар жер майданларда нызам бузылыўшылық ҳалатлары анықланған.
Жоқарыдағы ҳалатларды салыстырма қылғанымызда 3,3 гектар пуқаралар тәрепинен үй-жай қурыў, 0,3 гектар натурақ объектлер ҳәм 61,1 гектар жер майданлары қыйтақ жер сыпатында пайдаланыў ушын ийелеп алынған ҳалатлер екенлиги мәлим болды.

Анықланған ҳәр бир ҳалатларды сапластырыў бойынша басқарма ҳәм район бөлимлери тәрепинен тийисли ҳужжетлер расмийлестирилди. Сондай-ақ ҳәр бир жер нызам бузылыўшылық халатларын әмелге асырған шахсларға жазба көрсетпелер ҳәм 101 ҳалатда район ҳәкимлигине усыныслар, 44 ҳалатда прокуратура органларына мағлыўматлар киритилиб нызамсыз қурылысларды буздырыў бойынша 3 ҳалатда пуқаралық судларға даўа арзалар киритилди.
Нөкис қаласы бойынша жәми бүгинги күн жағдайына 79 мың 694 көшпес мүлк объектлери бар болып, соннан 6 мың 201 натурар,
73 мың 493 турар жай объектлери жайласқан. Соннан 70 мың 244 Турар жайлардың ҳужжетлери бар болып, 3 мың 249 ҳужжетлери жоқ.
        

Соның менен бирге, Өзбекстан Республикасы “Ҳәкимшилик жуўапкершилик ҳаққындағы кодекси»ниң 681-статьясы бойынша жумыслар алып барылмақта. Кадастр Агентлиги Қарақалпақстан Республикасы қала ҳәм район бөлимлери тәрепинен жер участкаларына болған ҳуқықларды мәмлекетлик дизимнен өткериў ушын өз ўақтында мүрәжат етпеген 515 пуқараларға 130 млн 54 мың сум муғдарда ҳәкимшилик жәриймалар қолланылды.
Жәриймалар Шымбай районында 73 ҳалатда, Еллакқала 68 ҳалатда, Төрткүлде 68 ҳалатда, Әмударьяда 51 ҳалатда, Қараөзекде 39 ҳалатда, Берунийде 34 ҳалатда, Қоңыратда 28 ҳалатда, Шоманайда 27 ҳалатда, Қанлыкөлде 28 ҳалатда, Хожелиде 19 ҳалатда, Бозатаўда 19 ҳалатда, Кегейлиде 16 ҳалатда, Тақыятас ҳәм Нөкис районларында 13 ҳалатда, Мойнақда 12 ҳалатда ҳәм Тахтакөпирде 6 ҳалатда ҳәмде Нөкис қаласында 1 ҳалатда пуқараға ҳәкимшилик жәриймалар қолланылды.
Буннан басқа Қарақалпақстан Республикасы қала ҳәм районларында 12 мың 110 пуқараларға жеке тәртипте турақ жай қурыў ушын жер участкалар ажратып берилген. Ҳәзирги күнде пуқараларға турақ жай қурыў ушын ажратып берилген участкаларына усы күнге шекем ҳеш қандай қурылыс қурмастан мақсетсиз пайдаланып киятырғанлығы анықланды. Бул ҳалатлар бойынша Өзбекстан Республикасы “Жер кодекси”ниң 36-статиясына муўапық 2 жыл мүддет ишинде мақсетсиз пайдаланғанлығы ушын ескертиў хатлар берилип, район ҳәкимликлерине жер участкаларын қайтарып алыў бойынша усыныслар киритилмекте.
 
Жер нызам бузылыўшылық ҳалатларын анықлаў ҳәм жер участкаларына болған ҳуқықларды мәмлекетлик дизимнен өткериў ушын өз ўақтында мүрәжат етпеген пуқараларға ҳәкимшилик жәриймалар қоллаў жумыслары алып барылмақда.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы