лучший сайт где можно скачать шаблоны для dle 11.2 бесплатно

Виза мүддетин создырыў тәртиплери

Өзбекстан Республикасы аймағына виза негизинде түрли жөнелислерде (жеке мирәт, жумыс ислеў, оқыў ҳәм спорт тараўы) бойынша кирип келген, ўақтынша жасаўшы сырт ел пуқаралары ҳәм пуқаралығы болмаған шахслар виза мүддетлерин узайттырыў бойынша Өзбекстан Республикасы Министрлер Кабинетиниң 1996-жылдағы Қарары ҳәм орынлардағы ишки ислер органларының Миграция ҳәм пуқаралықты рәсмийлестириў бөлимлери тәрепинен әмелге асырылады.

Виза мүддетин узайттырыўды қәлеўши сырт ел пуқарасы визаның әмел етиў мүддети тамам болыўына 10 күн қалғанда қабыл етиўши кәрхана, мекемелер арқалы, жеке мирәт тийкарында келген сырт ел пуқаралары болса оларды мирәт еткен шахслар менен бирге ҚР ИИМ Миграция ҳәм ПРБ басқармасына орнатылған тәртипте мүрәжат етиўлери мүмкин.

Миграция ҳәм пуқаралықты рәсмийлестириў басқармасы хызметлери төмендеги түрдеги визаларды рәсмийлестириў ҳуқықына ийе:

S-3 ­ Өзбекстан Республикасы мәмлекетлик кәрханалары тәрепинен мирәт етилип хызмет көрсетип атырған сырт ел пуқаралары.
В-1 ­ Турақлы аккредитация етилген ўәкилхана, сырт ел кәрхана ҳәм компаниялар хызметкерлери.
В-2 ­ Исбилерменлер.
Е ­ Өзбекстан Республикасында жумыс ислеўши сырт ел пуқаралары.
PV-1 ­ Өзбекстан Республикасы пуқаралары мирәтине муўапық келген сырт ел мийманлары.
PV-2 ­ Сырт ел пуқаралары мирәти тийкарында келген сырт ел мийманлары.
А-1 ­ Өзбекстан Республикасы аймағында оқыйтуғын студентлер, аспирантлар ҳәм стажёрлар.
А-2 ­ оқыў орынларының оқытыўшылары, профессорлары.
3X85 ­ шығыў визасы.

Сондай-ақ, сырт ел пуқарасы тәрепинен виза создырыўға муўапық болыўшы ҳүжжетлер де тапсырылыўы тийис (турақлы жасаўға қалыў бойынша ҳүжжет тапсырғанлығы, оқыў орынларында оқып атырғанлығы, емлениў).
Сырт ел пуқарасының визаларын узайттырыўды сораған талапнамалар ҳәм арзалар 10 жумыс күнинде көрип шығады. Қосымша тексериўлер талап етилсе, усы мүддет 30 күнге шекем узайтылыўы мүмкин. Қарар қабыл етилгеннен соң сырт ел пуқарасы миллий паспортының визалар ушын арналған бос бетине жаңа виза бланкасы жабыстырылады ҳәм Миграция ҳәм пуқаралықты рәсмийлестириў басқармасы баслығы яки оның орынбасары тәрепинен имзаланып виза мөри басылады.
Өзбекстан Республикасының 06.01.2020-жылдағы «Мәмлекетлик бажылар ҳаққында»ғы Нызамы тийкарында сырт ел пуқарасы, пуқаралығы болмаған шахсларға кириў яки кириў-шығыў визалары бергени ҳәм олардың әмел етиў мүддетлерин создырғанлығы ушын төленетуғын мәмлекетлик бажы:

а) төмендеги мүддетлерге шет ел пуқаралары ҳәм пуқаралығы болмаған шахсларға визаларын бергени ушын олардың әмел етиў мүддетлери узайтырылады:
­ 7 күнге шекем базалық есаплаў муғдарының 2 есесинде
­ 15 күнге шекем базалық есаплаў муғдарының 2 есесинде
­ 30 күнге шекем базалық есаплаў муғдарының 2 есесинде
­ 3 айға шекем базалық есаплаў муғдарының 3 есесинде
­ 1 жылға шекем базалық есаплаў муғдарының 6 есесинде
­ 1 жылға шекем Туркменстан пуқаралары ушын базалық есаплаў муғдарының 20 есесине
­ 1 жылға шекем Қырғызстан ҳәм Тажикстан Республикалары пуқараларына базалық есаплаў муғдарының 1 есесине
­ 1 жылға шекем виза менен жасап атырған АҚШ пуқаралары ҳәм 16 жасқа толмаған АҚШ пуқаралары ушын визалық есаплаў муғдарының 6 есесине.
Виза бир неше мәртебе рәсмийлестиргени ушын бажы ставкасы 40 пайызға көбейеди.

б) төмендеги мүддетлерге сырт ел пуқаралары ҳәм пуқаралығы болмаған шахсларға көп мәртелик шығыў-кириў визасын рәсмийлестиргени ушын:
6 айға шекем базалық есаплаў муғдарының 6 есесине
1 жылға шекем базалық есаплаў муғдарының 10 есесине
2 жылға шекем базалық есаплаў муғдарының 12 есесине
3 жылға шекем базалық есаплаў муғдарының 14 есесине шекем мәмлекетлик бажы пулын төлеў белгиленген.

Дерек: "Тынышлық сақшысы" газетасы
Г. АБИЛКАСЫМОВА,
ҚР ИИМ М ҳәм ПРБның бөлимше баслығы, подполковник.


скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы