лучший сайт где можно скачать шаблоны для dle 11.2 бесплатно

Қарақалпақстанға 890 000 мың долларлық медициналық әсбап-үскенелер алып келинди


UNFPA (БМШ ның Халықтаныў фонды) тәрепинен Қарақалпақстан Республикасы Денсаўлықты сақлаў министрлигине Нөкис қаласы, Қоңырат ҳәм Беруний районларындағы туўыў үйлери ушын медициналық әсбап-үскенелер, жатыр мойны раги скрининги, адам папиллома вирусын (АПВ) анықлаў ушын тест системасы берилди.

Япония қаржылары есабынан «Арал теңизи регионындағы жергиликли халықтың қоршаған орталық, экономикалық қыйыншылықларға ҳәм саламатлығы бойынша машқалаларға шыдамлығын күшейтиў» БМШРД- UNFPA қоспа бағдарламасы тийкарында 890 000 мың доллар баҳасындағы 8 әсбап-үскенелер топламы алып келинген болып, оның арқасында 50 мыңнан зыят ҳаял-қызлар жатыр мойны раги скринингинен өткериледи. Бағдарламаның миллий протоколы ЖДСШ Европа бюросының халықаралық экспертлери көмегинде ислеп шығылған ҳәм ӨзР Денсаўлықты сақлаў министрлиги тәрепинен тастыйықланған.

«Социаллық қорғаўға мүтәж аналар ҳәм жаңа туўылған нәрестелерге көрсетилетуғын перинатал жәрдем сапасын асырыў» бағдарламасы шеңберинде болса Нөкис қаласы, Қоңырат ҳәм Беруний районлары туўыў үйлери қайта реконструкцияланады.

Сондай-ақ, елимизге алып келинген операция столлары, ултрадаўыс аппаратлары, хирургиялық әсбаплар, лампалар сыяқлы 150 ден зыят медициналық әсбап-үскенелер жаңаланған туўыў үйлерине орнатылады.

дерек: @qrdssm
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы