Нөкис қаласында Гемодиализ орайының қурылысы басланды

Өзбекстан Республикасы Президентиниң денсаўлықты сақлаў тараўында мәмлекет-жеке меншик шерикликти раўажландырыўға байланыслы қарарына муўапық, «NEPHROCARE HEALTH SERVICES CENTRAL ASIA» ЖШЖ формасындағы сырт ел кәрханасына Нөкис қаласы, Б.Кетебаев көшесинде жайласқан Академик В.Вахидов атындағы Республикалық қәнигелестирилген хирургия илимий-әмелий орайы Нөкис филиалы аймағынан 34 орынлы (койкалы) Гемодиализ орайы имаратын қурыў ушын 3312 квадрат метр жер майданы мәмлекет-жеке меншик шериклик ҳаққындағы келисимде белгиленген мүддетке берилип атыр.

Бүгин «NEPHROCARE HEALTH SERVICES CENTRAL ASIA» ЖШЖ кәрханасынан Халықаралық бизнести раўажландырыў орайы вице президенти Сукеш Чандра Гаин ҳәм Акроконсултинг хызмети қәнигеси Мухаммед Шахид Нөкис қаласына келип, ҚР Денсаўлықты сақлаў министри орынбасары А.Таңирбергенов, министрликтиң мәмлекет-жеке меншик шерикликти раўажландырыў бас қәнигеси Х.Кадреков ҳәм Нөкис қаласы ҳәкимлигинен тийисли қәнигелер қатнасында ушырасыў өткерилди.

Оған көре, мийманлар ҳәм қәнигелер қурылыс жер майданлары менен танысып, Нөкис қаласындағы УзГАШКЛИТИ мәмлекетлик унитар кәрханасы менен ажыратылған жер майданның тапография жумыслары бойынша шәртнамалар дүзилди ҳәм қурылыс алды жумыслары басланды.

Қарақалпақстан Республикасы Денсаўлықты сақлаў министрлиги