лучший сайт где можно скачать шаблоны для dle 11.2 бесплатно

Японша узақ өмир көриў сырлары

Әййем заманлардан бүгинги күнге шекем, адамлар ең көп итибар беретуғын нәрсе, беккем ден-саўлык ҳәм узақ өмир көриў есапланады. Япония халқы узақ өмир көриўши мәмлекет болып, бул жерде орташа өмир сүриў даўамлылығы 84 жасты қурайды. Японлар күнделикли әдетлерин ҳәм аўқатланыў рационына айрықша итибар қаратады. Хош, олар қалайынша көп жасаўға ериседи? Сыры неде? Японлар майлы, ашшы тағамларды кемирек жейди ҳәм парҳезбап өнимлерге көбирек кеўил бөледи. Демек, биз төменде японша узақ өмир көриў ушын нелерге итибар бериў керек екенлигине тоқталып өтемиз.
Толық уйқыны тәмийинлеў. Уйқы ўақтында инсан органлары босасады. Егер биз нормада уйықламасақ, онда бул ишки органлар функциясының бузылыўына ҳәм қан айланыў тезлиги пәсейиўине алып келеди. Бунда зат алмасыўы ҳәм шығарыўшы функция бузылады, бул болса организмнинг патасланыўына алып келеди. Ақыбетте, иммунитет пәсейеди ҳәм инсан саламатлығында кери тәсирлер жүзеге келип баслайды.
Теңсалмақласқан диета. Палыз өнимлери, гөш ҳәм соядан ибарат жеңил сиңиўши ҳәм тойымлы аўқатлардан жеў лазым. Ең алды бурын, күнине 3 мәртелик аўқатланыў ўақтына итибарлы болыў ҳәм ашшы, майлы аўқатлардан өзимизди иркиўимиз керек. Организм ушын зыянлы өнимлерди жеў, қан искерлигине ҳәм зат алмасыўына кери тәсир жасайды. Ўақтында ҳәм дурыс аўқатланыў арқалы, сиз организмиңизге ең үлкен жақсылықты қылған боласыз.
Күнделикли активлик. Спорт- қан айланысын жақсылайды, зат алмасыўын тезлестиреди ҳәм мийнетке қәбилетлиликти асырады. Көп ҳәрекетлилик арқалы, организмде токсинлар топланыўы кемейип, ишки органлардың жумысы активлеседи. Спорт пенен шугылланыў, мий искерлигин қозғатады ҳәм кейпиятты жақсылайды. Инсанның ҳәрекетшиллиги, оның тетиклигин асырып, пикирлерин де тәртиплестиреди.
Өмирге позитив көз-қараста болыу. Оптимизм саламатлықка ҳәм кейпиятқа унамлы тәсир жасайды. Статистикаға көре, кексе жастағылардың 80 пайыздан асламы, жақсы кейпияттағы, дослары көп инсанлар саналады. Егер адам ҳәмийше тәшўишленип жүрсе, эндокрин дискразиясына ҳәм инсулин ислеп шығарылыўының кемейиўине алып келеди. Турақлы стресслер саламатлықти жемиреди. Турмыс тәшўишлериниң соңы жоқ. Сонлықтан, ҳәр бир нәрсени терең жүрекке алып, ишлей қыйналғаннан көре, оның шешимин излеген мақул. Ҳәр қандай машқаланың шешими бар, егер шешимсиз болғанда, ол машқала болмас еди.

Дерек: Diyar.uz

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы