лучший сайт где можно скачать шаблоны для dle 11.2 бесплатно

Қарақалпақстанға перинатал хызметлери сапасын жақсылаў ушын 300 дана медициналық үскенелер тапсырылды


Бүгин Нөкис қалалық медицина бирлеспесинде Арал бойы аймағында аналар ҳәм жаңа туўылған нәрестелер саламатлығын жақсылаў мақсетинде қуны 1 миллион АҚШ долларына тең болған өмирди сақлап қалыўға көмек беретуғын медициналық үскенелерди тапсырылды.

Қарақалпақстан Республикасы Денсаўлықты министрлигиниң мәлим етўинше, бул медициналық үскенелерден ибарат жәрдем Өзбекстан ҳәм Қарақалпақстан Денсаўлықты сақлаў министрликлери, ЮНИСЕФ ҳәм UNFA тәрепинен енгизилип атырған «Ең жәрдемге мүтәж аналар ҳәм жаңа туўылған нәрестелерге перинатал жәрдем хызметиниң сапасын асырыў» қоспа бағдарламасы шеңберинде әмелге асырылды.

Усы мүнәсибет пенен өткерилген илажда Қарақалпақстан Республикасына жаңа туўылған нәрестелер интенсив терапиясы бөлимлери ҳәм операция ханалары ушын хирургиялық әсбаплар, электрокардиография үскенелери, ультрадаўыс диагнозы аппаратлары, турақлы унамлы ҳаўа басымы аппаратлары сыяқлы 300 медициналық үскенелер тапсырылды.

Гуманитар жәрдем сыпатында берилген бул медициналық үскенелер республикамыздың Қоңырат, Беруний районлары ҳәм Нөкис қаласындағы перинатал хызметлер сапасын жақсылаўға пайдаланылады.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы