лучший сайт где можно скачать шаблоны для dle 11.2 бесплатно

Қарақалпақстанда айырым министрлик хызметкерлерине үстемелер толық төлеп берилмей атырғанлығы анықланды - Әдиллик министрлиги

Қарақалпақстан Республикасы Әдиллик министрлиги тәрепинен айырым мәмлекетлик уйымлары ҳәм басқа бюджет шөлкемлериниң заманагөй мәлимлеме технологиялары ҳәм коммуникацияларын енгизиў ҳәмде раўажландырыўға жуўапкер болған хызметкерлериниң «Өзбекстан Республикасы Президентиниң 2018-жыл 19-февраль күнги «Мәлимлеме технологиялары ҳәм коммуникациялары тараўын еледе жетилистириў ис-илажлары ҳаққында»ғы ПП-5349-санлы Пәрманына тийкар үстеме пуллары лаўазым ис-ҳақысының 100 пайызынан кем болмаған муғдарда төлеп берилмей атырғанлығынан наразы» болып жоллаған мүрәжатлары үйренип шығылды.
Қарақалпақстан Республикасы Әдиллик министрлигииң мәлим етиўинше жоқарыдағы Президент Пәрманында белгиленген талапларға көре үстеме пуллары айырым мәмлекетлик уйымлары ҳәм шөлкемлери тәрепинен төлеп берилмей атырғанлығы анықланды.

Атап айтқанда, Қарақалпақстан Республикасы Қурылыс министрлиги тәрепинен министрликтиң заманагөй мәлимлеме технологиялары ҳәм коммуникацияларын енгизиў ҳәмде раўажландырыўға жуўапкер болған хызметкериниң айлық ис-ҳақысына (тийисли буйрық пенен) 30 пайыз муғдарында үстеме төлеў белгиленгенлиги ҳәмде төленип атырғанлығы, сондай-ақ Қарақалпақстан Республикасы Халық билимлендириў министрлиги, Қарақалпақстан Республикасы Мектепке шекемги билимлендириў министрлиги ҳәмде оның район (қала) бөлимлериниң айырым усы тараў хызметкерлерине үстемелер толық төлеп берилмей атырғанлығы анықланды.

Буған себеп, Өзбекстан Республикасы Министрлер Кабинетиниӊ 2013-жыл 25-январь күнги 18-санлы қарары менен тастыйықланған “Министрликлер, кеӊселер ҳәм басқа шөлкемлердиӊ заманагөй мәлимлеме коммуникация технологияларын енгизиў ҳәм раўажландырыў ушын жуўаплы болған қәнийгелестирилген қурамындағы бөлимлериниӊ штаттағы хызметкерлерин материаллық хошаметлеў ҳаққында”ғы Үлгили Режеде үстеме ҳақы белгилеў өлшемлери, тәртиби, муғдары ҳәм қаржы декреклери анық белгиленгенлиги себепли, усы үлгили Режеден пайдаланыў мақсетке муўапық деп есапланған.

Бирақ, Өзбекстан Республикасы Президентиниң 2018-жыл 19-февраль күнги “Мәлимлеме технологиялары ҳәм коммуникациялары тараўын еледе жетилистириў ис-иләжлары ҳаққында”ғы ПП-5349-санлы Пәрманның 7-бәнти г-киши бәнтинде мәмлекетлик уйымлары ҳәм басқа бюджет шөлкемлериниң заманагөй мәлимлеме технологиялары ҳәм коммуникацияларын енгизиў ҳәмде раўажландырыўға жуўапкер болған хызметкерлерге берилетуғын ҳәр айлық үстеме муғдары хызметкер лаўазым ис-ҳақысының 100 пайызынан кем болмаған муғдарда белгилениўи нәзерде тутылған.

Жоқарыдағыларды инабатқа алган ҳалда, министрлик тәрепинен усы тараўда келип түскен мүрәжатлар ҳәмде өткерилген мониторинг нәтийжелери бойынша тийисли мәмлекетлик уйымларға усыныслар киритилди.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы