лучший сайт где можно скачать шаблоны для dle 11.2 бесплатно

Transport haqqındaǵı nızam Prezident tárepinen imzalandı

Nızamǵa kóre, avtomobil, hawa, temir jol, suw, elektr transportı, metropoliten hám transport infrastrukturası obyektleri Ózbekstannıń birden-bir transport sistemasın quraydı.

Mámleketlik uyımlar hám lawazımlı shaxslar transport shólkemleriniń xojalıq iskerligine aralasıwǵa hámde olardıń xızmetkerlerin basqa jumıslarǵa tartıwǵa haqlı emes.

Transport ministrligi tarawda wákillikli mámleketlik uyım bolıp tabıladı.

Nızamǵa kóre, transport quralları muwapıqlıq yamasa transport quralı túrin maqullaw sertifikatına iye bolıwı hám dizimnen ótkeriliwi kerek.

Qáwipsizlik talaplarına juwap bermeytuǵın transportlardı Ózbekstanǵa alıp kiriw, islep shıǵarıw, satıw yamasa olardan paydalanıw qadaǵan etiledi.

Mámleketlik shegarası arqalı ótkeriw punktlerinde júklerdi tranzit alıp ótiw waqtında tranzit júkler hám hújjetler identifikaciya etiledi.

Nızamǵa kóre, Ózbekstanda tovarlar hám transport qurallarına qarata orınlanatuǵın operaciyalardan kelip shıqqan halda xalıqaralıq hám aymaqlıq transport-logistika orayları dúziliwi múmkin.

Transport-logistika orayları olarǵa hár qanday túrdegi transportta kirip kiyatırǵan hámde alıp shıǵılıp atırǵan júklerdi qoymaxanaǵa jaylastırıw, saqlaw, olarǵa islew beriw, qayta islew, qadaqlaw hám bólistiriw boyınsha xızmetler kórsetedi.

Wákillikli uyımlar vokzalda, aerovokzalda, aeroportta, metropolitende hám avtostanciyaǵa kiriw ornında transport quralın, bagajdı, júk bagajın hám júkti, jolawshılardı hám basqa shaxslardı kózden ótkeriwden ótkeriliwi múmkin.

Sonday-aq, paydalı qazılmalar jaylasqan maydanlarda transport shólkemleriniń ob'ektlerin joybarlastırıw hám qurıw, olar jaylasqan jerlerde jer astı soorujenielerin jaylatırıw qadaǵan etiledi. Ayrıqsha jaǵdaylarda, joybarlastırıw hám qurıwǵa Mámleketlik geologiya hám mineral resurslar komiteti ruqsatı menen jol qoyıladı.

Transport shólkemleri hám tasıwshılar iskerligi transport háreketleniwi menen baylanıslı bolǵan hámde miynet sharayatları oǵada zıyanlı hám oǵada awır sharayatlarda bánt bolǵan xızmetkerlerdiń dáslepki hámde dáwirlik medicinalıq kóriklerden ótkeriliwin shólkemlestiriwi shárt.

Usı Nızam rásmiy járiyalanǵan kúnnen baslap 3 ay ótkennen keyin kúshke kiredi.

Derek: Huqıqıy málimleme
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы