лучший сайт где можно скачать шаблоны для dle 11.2 бесплатно

Rossiya saxnasında qaraqalpaqsha qosıq atqarǵan Dástan


Kishkene waqtınan qolına mikrofondı qaǵazdan islep alıp, dawısınıń  barınsha qosıq aytatuǵın bul balanıń kórkem ónerge bolǵan qızıǵıwshılıǵı úlkeye kele arta berdi. Onıń qıyalı sırt ellerdiń saxnalarında edi hám bul kishkene arzıw onı Rossiyadaǵı P. A. Serebryakov atındaǵı Volgograd konservatoriyasına jeteledi.

Estrada –djaz jónelisindegi qosıqlar atqarıwshıların Dástan iláhiy ustazları dep bildi.  Onıń Sahra jigitine tán hawazı áste-áste bul oqıw ornındaǵı oqıtıwshılardıń názerine túse baslaydı. Xátteki birinshi kurs waqtınan-aq ol Rossiya mamleketiniń úlken sahnalarında dúnya tanıǵan kompozitorlar, qosıqshılar  menen birge qosıq ayta basladı.

II pútkilrossiya estrada- djaz atqarıwshılıǵı boyınsha tańlawda I dárejeli diplom menen sıylıqlanıwı onıń birinshi hám joqarı tabısı boldı. Olga Ilicheva, Olga Sabirova, Andrey Naumkin hám basqa da kórkem- óner pidayılarınan sabaq alǵan Dástannıń jetiskenlikleri júdá kóp. Maqtanıshlı tárepi ol Rossiyada ótkerilgen Qaraqalpaq mádeniyat kúnleri, milliy bayramlardı shólkemlestiriw, olarda belsendi qatnasıwshı bolıp ta kózge túsken. Lekin, turmıs qıyınshılıqlarına duslasıp, talantlı qaraqalpaq jigiti Dástan Jańabaev óz oqıwın dawam ettire almay qaldı. Álbette altın tat baspaydı desedi. Quday bergen talantta altın kibi insan kewlin jaqtırtıp tura beredi. Solay bolsa da márt xalqımızdıń janǵa  jaǵımlı nama ırǵaǵın dúnyaǵa tanıtıwdı niyet etken jaslardı qollap –quwatlayıq!

Venera Sarieva
Jurnalist
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы