лучший сайт где можно скачать шаблоны для dle 11.2 бесплатно

Prezidentlikke talaban Sh.Mirziyoevtiń Qaraqalpaqstandaǵı isenimli wákili A.Daniyarov brifing ótkerdi


Búgin, 22-sentyabr kúni Qaraqalpaqstan Respublikası Ádillik ministrligi májilisler zalında Isbilermenler háreketi – Ózbekstan Liberal-demokratiyalıq partiyasınan Prezidentlikke talaban Sh.Mirziyoevtiń Qaraqalpaqstan Respublikasındaǵı isenimli wákili Daniyarov Abatbay Saparbaevich ǵalaba xabar quralları wákilleri qatnasında brifing ótkerdi.


- Ózbekstannıń ishki hám sırtqı siyasatı, elimizdiń keleshegi hám táǵdiri menen tikkeley baylanıslı bolǵan oǵada áhmiyetli sociallıq-siyasiy waqıya – Prezident saylawı bolıp esaplanadı. Usı bolıp ótetuǵın saylawǵa talabanlardıń saylaw aldı baǵdarlamaların keń jámiyetshilikke anıq faktler menen túsinikli etip jetkerip beriwde ǵalaba xabar qurallarınıń ornı ayrıqsha. Sonlıqtan, biz búgin orınlarda xalıq penen ushırasıwlardı baslamastan aldın siz ǵalaba xabar quralları menen ushırasıp alıwdı maqul dep bildik, - dedi isenimli wákil Abat Daniyarov brifingte.

Ilajda A.Daniyarov saylawshılardı Isbilermenler háreketi Ózbekstan-Liberal demokratiyalıq partiyasınan talaban Sh.M.Mirziyoevtiń saylaw aldı baǵdarlaması menen xabardar etiw maqsetinde respublikamızdıń barlıq qala hám rayonlarında ushırasıwlar ótkeriw belgilengenligi hám ushırasıw grafigi tastıyıqlanǵanlıgın málim etti.
Sonday-aq, prezidentlikke talaban Sh.Mirziyoev xalıq ishinen shıqqan, xalıqtıń dártin sezinetuǵın, xalıqtıń awırın jeńil qılıw, párawanlıǵın támiyinlewdi óziniń turmıs filosofiyası hám iskerligi maqsetine aylandırǵan haqıyqıy jankúyer jolbasshı ekenligin táriyplep, ómir hám miynet jolı menen tanıstırdı.

“Insan qádiri ushın” uranın ilgeri súrip atırǵan talabannıń Jańa Ózbekstan quramında Jańa Qaraqalpaqstandı qurıw baslaması putkil qaraqalpaqstanlılar turmısında túp ózgerislerge tiykar bolıwı hám onıń ushın barlıq aymaqlarda saylawshılardıń mashqala hám usınısların tıńlaǵan halda 5 jıllıq strategiya ámelge asırılıwın ayrıqsha atap ótti.

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы