лучший сайт где можно скачать шаблоны для dle 11.2 бесплатно

Qońıratta nızamshılıqqa kirgizilgen ózgerisler hám qosımshalar túsindirildi


Ózbekstan Respublikası Prezidenti saylawına tayarlıq kóriw ilajları sheńberinde Qaraqalpaqstan Respublikası sudlarınıń sudyaları tárepinen Qońırat rayonındaǵı  1-sektor aymaǵında jaylasqan uchastkalıq saylaw komissiyası baslıqları hám onıń aǵzaları ushın seminar ótkerildi. Onda Qaraqalpaqstan  Respublikası sudınıń baslıǵı G.Bazarbaeva shıǵıp sóylep, Ózbekstan Respublikası Prezidenti saylawınıń áhmiyeti, onı nızamshılıqqa muwapıq ótkeriw boyınsha sóz etti. Kún tártibindegi keyingi másele Ózbekstan Respublikası Prezidenti saylawınıń ózine tán ózgeshelikleri, saylaw kúni dawıs beriwdi shólkemlestiriw, saylaw nátiyjelerin anıqlaw hám járiyalaw, saylaw nızamshılıǵı hújjetlerin buzǵanlıǵı ushın juwapkershilik haqqında Qaraqalpaqstan Respublikası sudı sudyaları E.Uteniyazov hám S.Niyazovlar, Jınayat isleri boyınsha Qońırat rayonı sudı baslıǵı D.Razov bayanat jasadı.

Bayanatshılar tárepinen atap ótilgenindey, uchastka saylaw komissiyaları hám olardıń aǵzaları óz iskerligin hár qanday mámleketlik uyımlardan, jamáátlik birlespelerden hám lawazımlı shaxslardan biyǵárez halda ámelge asıradı hám olardıń iskerligine aralasıwǵa jol qoyılmaydı. Bunday aralasıw nızamǵa muwapıq juwapkershilikke sebep boladı.


Saylaw kodeksiniń 53-statyası hám Oraylıq saylaw komissiyasınıń 2021-jıl 14-apreldegi 1066-sanlı qararı menen tastıyıqlanǵan “Ózbekstan Respublikası Prezidenti saylawın ótkeretuǵın uchastka saylaw komissiyalarınıń iskerligi tártibi haqqında”ǵı Rejeniń 50-bántine muwapıq, saylaw kúni dawısw imaratı uchastka saylaw komissiyası aǵzalarınıń úshten eki bólegi bar bolǵanda ashıladı.
Usı tártiptiń engiziliwi mámleketimizde saylawlardıń ashıq aydın hám ádalatlı ótiwin, sonday-aq, saylawlardı shólkemlestiriw hám ótkeriwde nızamshılıq normalarına tolıq ámel etiliwin támiyinlewge xızmet etedi.


Seminarda usı hám basqada nızamshılıqqa kirgizilgen ózgerisler hám qosımshalar boyınsha keń túrde maǵlıwmat berildi. Qatnasıwshılar kún tártibindegi máseleler boyınsha ózleriniń kızıqtırǵan sorawlarına sudyalardan tolıq hám anıq juwap aldı.

Gúlayım Ganieva
Qaraqalpaqstan Respublikası sudınıń jámiyetshilik hám ǴXQ menen baylanıslar boyınsha
bas konsultantı

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы