лучший сайт где можно скачать шаблоны для dle 11.2 бесплатно

Qaraqalpaqstanda MXOnıń 10shı imáratı paydalanıwǵa tapsırıldı


Qaraqalpaqstan Respublikasınıń shetki aymaqlarınıń biri bolǵan Qaraózek rayonında tákirarlanbas arxitekturalıq dizaynǵa iye jańa hám zamanagóy imárat boy tikledi.

Qaraózek rayonı Mámleketlik xızmetler orayı xızmetkerleri endi orayǵa keliwshilerge keń hám ıqsham jerde bárshe qolay sharayatlarda xızmet kórsetedi.


Saltanatlı ashılıw máresiminde Qaraqalpaqstan Respublikası Joqarǵı Keńesi baslıǵınıń orınbasarı A.Davletov, Mámleketlik xızmetler agentligi Qaraqalpaqstan Respublikası basqarması baslıǵı M.Abdijaliev, rayon hákimi U.Utambetov, ádillik bólimi wákilleri, mámleketlik hám jámiyetlik shólkemler xızmetkerleri, miynet nuranıyları hám keń jámiyetshilik wákilleri qatnastı.

Orayda zal boylap ornatılǵan belgiler mámleketlik xızmetlerden paydalanıwda izbe-izlikte jónelis berip turadı. Elektron náwbet alıw ushın QMATIC uziliksiz túrde islep tur. Talonıńızdı alıp, kútiw zalınıń arnawlı orınlarda jaylasıwıńız múmkin.

Monitorlar bolsa náwbetińiz kelgeni haqqında xabardar etil, qaysı operatorǵa barıw kerekligin kórsetedi.

Jánede qolaylıq jaratıw maqsetinde balalar maydanshası, mámleketlik bajılardı tólew ushın arnawlı kassalar hám basqalar islep tur. Orayǵa keliwshiler biypul Wi-Fi dan paydalanıw imkániyatına iye.

Imkániyatı sheklengen puqaralarǵa da bir qatar qolaylıqlar jaratılǵan. Bir sóz benen aytqanda, hár bir puqaraǵa - ayrıqsha itibar qaratılıp, jámiyettiń bárshe qatlamınıń mápleri esapqa alınǵan. Bul jerde 10 qabıllaw aynaları arqalı 160 tan aslam eń talap joqarı bolǵan xızmetlerdi alıw múmkin.
Mámleketlik xızmetler orayınıń zamanagóy imáratı puqaralarımız ushın qolay boldı, - deydi Qaraózek rayonı MXO bólim baslıǵı Alisher Dosımbetov. – Sebebi aldınǵı oray imáratına puqaralardıń qatnawı qıyın edi.


Saltanatlı túrde ashılǵan jańa imáratımız rayon orayında hámme ushın qolay orında jaylasqan.
Qaraózek rayonında 52 mıńnan aslam puqaralar turaqlı túrde jasap kelmekte. Ótken 2020-jıl dawamında fizikalıq hám yuridikalıq shaxslarǵa 21 mıńnan aslam mámleketlik xızmetler kórsetilgen bolsa, jıl basınan usı kúnge shekem 20 mıńnan aslam mámleketlik xızmetler kórsetildi. Bul óz náwbetinde Mámleketlik xızmetler orayına bolǵan talaptıń sezilerli dárejede artqanınan derek beredi.

Sonday-aq, oray imáratında Ózbekstan Respublikası Prezidentiniń Qaraqalpaqstan Respublikası Qaraózek rayonı Xalıq qabıllawxanası, Bas ministr qabıllawxanası hám PHAJ bólimi de jaylasqan.


Oraydıń jańa imáratınıń ashılıwınıń birinshi kúninde rayondaǵı úlgili hám jas shańaraqlardıń biri Xalmuratovlar shańaraǵı nızamlı nekeden ótti.

Mámleketlik xızmetler orayında jaratılǵan bunday shárayatlar puqaralardıń waqtın tejew menen birge, mámleketlik xızmetlerden tez hám qolay paydalanıw imkániyatın beredi.
Xalıqqa múnásip xızmet usınıw arqalı mashqala hám imkániyatlardı keń úgit-násiyatlaw, nızamshılıqtaǵı sonǵı ózgeris, jańalanıwlar menen tanıstırıw arqalı elimizde huqıqıy-demokratiyalıq jámiyetke isenimli qádem qoyılmaqta. Qaraózek rayonında ámelge asırılıp atırǵan bunday jumıslardıń búgingi nátiyjesi rayon kóleminde kókke boy kórsetti.


Mámleketlik xızmetler agentligi
Qaraqalpaqstan Respublikası basqarması
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы