лучший сайт где можно скачать шаблоны для dle 11.2 бесплатно

Byurokratiyalıq tosıqlardı saplastırıw dáwir talabı

Mámleketlik xızmetlerdi kórsetiw tarawında xalıqqa elede qolaylıq jaratıw, byurokratiyalıq tosıqlardı qısqarttırıw maqsetinde Prezidentimiz tárepinen bir qansha párman hám qararlar qabıl etilmekte.
Usılar qatarında Ózbekstan Respublikası Prezidentiniń usı jıldıń 23-marttaǵı «Puqaralar hám isbilermenlik subektlerine mámleketlik xızmetler paydalanıwda jánede qolaylı shárayatlardı jaratıw, bul tarawda byurokratiyalıq tosıqlardı qısqartıw boyınsha qosımsha is-ilájlar haqqında»ǵı PF-6191-sanlı Pármanı qabıl etilgenligin atap ótsek boladı.
Pármannıń áhmiyetli tárepiniń biri bul 2021-jıl 1-iyun kúninen baslap mámleketlik organlar, xojalıq birlespeleri, jergilikli atqarıwshı hákimiyat organları, mámleketlik shólkemler hám mákemeler tárepinen puqaralardan, sonday-aq, isbilermenlik subektlerinen
18 túrdegi faktlerdi tastıyıqlawshı hújjetler hám maǵlıwmatnamalardı talap etiw biykar etildi.
Bunda wákillikli organlar tárepinen Pármanda bayan etilgen
18 túrdegi hújjet hám maǵlıwmatlardıń qaysı biri zárur bolǵan jaǵdayda biyǵárez túrde “Elektron húkimet” sisteması mákemeler aralıq integraciyalasıw platforması arqalı alıw lazımlıǵı belgilendi.
Párman menen joqarıda bayan etilgen hújjet hám maǵlıwmatlardıń mámleketlik organlar hám shólkemler tárepinen puqaralardan talap etiliwi mámleketlik xızmetlerdi kórsetiw tarawındaǵı nızam hújjetleri talapların buzıw dep esaplanadı.
Biraq, ayırım mámleketlik organlar hám basqa shólkemler tárepinen puqaralardan, sonday-aq, isbilermenlik subektlerinen Párman menen talap etiliwi biykar etilgen hújjetler hám maǵlıwmatnamalardı talap etiw jaǵdayları ushıraspaqta.
Atap aytqanda, Mámleketlik xızmetler agentligi Qaraqalpaqstan Respublikası basqarması tárepinen búgingi kúnde 22 mámleketlik organlar hám basqa shólkemlerde anıqlanǵan jaǵday boyınsha Ózbekstan Respublikası Hákimshilik juwapkershilik haqqındaǵı kodeksiniń
215 prim-5-statyasına tiykar hákimshilik jaza sharası qollanıldı.
Bul bayan etilgen nızambuzıwshılıq jaǵdaylardıń aldın alıw ushın hár bir mámleketlik organ hám basqa shólkemler “Elektron húkimet” sisteması mákemeler aralıq integraciyalasıw platformasına jalǵanıw sharaların kóriw lazım boladı.

Bulardıń nátiyjesinde byurokratiyalıq tosıqlar saplastırılıp, puqaralar hám isbilermenlik subektleriniń áweregershilikke túsiwi hámde artıqsha waqıttıń sarıplanıwınıń aldın alıwǵa erisiledi.

G.Mambetnazarov,
Mámleketlik xızmetler agentligi
Qaraqalpaqstan Respublikası basqarması
Mámleketlik organlar hám basqa shólkemler
tárepinen mámleketlik xızmetler kórsetiliwi
ústinen qadaǵalaw bólimi baslıǵı
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы