лучший сайт где можно скачать шаблоны для dle 11.2 бесплатно

Qaraqalpaqstanda kadastr pasportları endi ID plastik kórinisinde beriledi

Ózbekstan Respublikası Ministrler Kabinetiniń 2019 jıl 12 dekabrdegi 987-sanlı qararı menen “Kóshpes múlk obekti kadastr pasportınıń jańa úlgisin basqıshpa-basqısh engiziw is-ilájları haqqında”ǵı qararı qabıl etilgen edi.

Qarar talaplarına muwapıq, endilikte Ándijan, Namangan hám Ferǵana wálayatları hám Tashkent qalasınan basqa, Qaraqalpaqstan Respublikası, Surxandárya, Xorezm hám Nawayı wálayatlarında da plastik túrinde tayarlanatuǵın kóshpes múlk obekti kadastr pasportın alıw múmkin.

Yaǵnıy, 2020-2022 jıllarda Qaraqalpaqstan Respublikası hám basqa wálayatlarda basqıshpa-basqısh kóshpes múlk obektine bolǵan múlk huqıqı yamasa basqa dáliliy huqıqlar júzege kelgen, basqa shaxsqa ótken, biykar bolǵan yamasa kóshpes múlk obektiniń huqıqıy halatı ózgergenligin tastıyıqlaw boyınsha múrájat etilgende, arza beriwshi Mámleketlik xızmetler orayları arqalı jańa úlgidegi kadastr pasportı beriliwi belgilengen edi.

Búgingi kúnge kelip respublikamızdıń barlıq rayon (qala) Mámleketlik xızmetler oraylarına plastik túrinde tayarlanatuǵın kóshpes múlk obekti kadastr pasportın beriw úskenesi ornatılıp, xızmettiń kórsetiliwi jolǵa qoyıldı.


Bunda dástúriy qaǵaz kórinistegi kóshpes múlk obektleri huqıqın tastıyıqlawshı kadastr pasportı ornına jańa zamanagóy úlgidegi hám qosımsha imkániyatlarǵa iye (ID plastik birden-bir identifikacion) kartası engizildi.


❗️Kadastr pasportı elektron kóriniske iye bolıp, kóshpes múlk obekti haqqında barlıq maǵlıwmatlardı óz ishine aladı. Yaǵnıy, kadastr nómeri, kóshpes múlk obektiniń iyesi, FShShIN (fizikalıq shaxstıń shaxsıy identifikaciya nómeri), kóshpes múlk obektiniń túri, kadastr sxeması hám basqa).

Jańa úlgidegi kadastr pasportında QR-kod sisteması bar bolıp, usı sistema arqalı múlkdarlar wákillikli shólkemlerge múrájat etpesten, kóshpes múlk haqqındaǵı maǵlıwmatlardı qálegen waqıtta baylanıs telefondaǵı arnawlı qosımshalar járdeminde alıwları múmkin.

Puqaralar endi bunnan aldıńǵı ámel etken 10-15 betten ibárat bolǵan kadastr pasportı ornına, jańa úlgidegi kadastr pasportların aladı. Jańa úlgidegi kadastr pasportları joytılıp yamasa jaramsız halǵa kelip qalǵanda aralıqtan turıp bloklanadı hám qısqa ӯaqıt ishinde taza kadastr pasportı beriledi.

Bul óz náwbetinde puqaralar ushın oǵada qolaylı hám ıqsham bolıp esaplanadı!

Mámleketlik xızmetler agentligi
Qaraqalpaqstan Respublikası
basqarması
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы