лучший сайт где можно скачать шаблоны для dle 11.2 бесплатно

Tis haqqínda biz bilmegen 11 fakt


1. Insan organizmindegi kalciy elementi muǵdarınıń 99 procenti tislerdiń quramında jaylasqan. Sonıń ushın da, adam denesindegi eń bekkem aǵza tisler esaplanadı.
2. Balalıq dáwirde shıǵatuǵın dáslepki tislerdi Gippokrat «sút tisleri» dep ataǵan. Eń qızıq tárepi sonda, bunday tisler anasınıń súti arqalı qáliplesedi eken.
3. Dáslepki tis chyotkası bunnan 100 jıl aldın oylap tabılǵan. Bunnan aldın adamlar tislerin tazalawda kúl, por, limonnıń suwı sıyaqlılardan paydalanǵan.
4. Tis – adam organizmindegi qayta tikleniw qábiletine iye bolmaǵan birden-bir aǵza.
5. Tis bayramı haqqında esittińiz be? Qıtayda sentyabr ayınıń 20-sánesinde «Tislerdi jaqsı kóriw kúni» dep atalǵan bayram belgilenedi.
6. Gazlı ishimliklerdi kóp tutınatuǵın insanlar olardı ishpeytuǵınlarına salıstırǵanda karies, tis túsiwi sıyaqlı keselliklerden 62 procentke kóbirek jábir tartadı eken.
7. Jaq bulshıq etleri – insan organizmindegi eń kúshli bulshıq etler esaplanadı. Belgili bolıwınsha, adam bir nárseni qattı tislegen waqıtta onıń tisleri sınıwı yamasa ústingi emalı zıyanlanıwı da múmkin. Sonıń ushın, awqatlardı áste-aqırınlıq penen shaynap jewge háreket etiń.
8. Tis insan organizmindegi eki márte ósip shıǵıw qásiyetine iye aǵza.
9. Eń birinshi transplantaciya (kóshirip ótkeriw) jolı menen ótkerilgen aǵza – tisler. Bul ámeliyat áyyemgi Egipette ámelge asırılǵan. Bay egipetliler ushın tisler pildiń súyeginen islengen.
10. Áyyemgi Britaniya ellerinde tis protezleri eń qımbat bahalı toy sawǵası esaplanǵan. Bul sawǵa bekkem shańaraq tımsalı sıpatında saltanatlı túrde tapsırılǵan.
11. Tisi menen tuwılǵan náresteler haqqında esittińiz be? Áyyemgi ullı húkimdarlar bolǵan Napoleon menen Yuliy Cezar da tisi menen tuwılǵan dep jazadı. Statistikalıq maǵlıwmatlarǵa qaraǵanda, dúnya júzi boyınsha hár 2000 náresteniń tek birewinde ǵana bunday jaǵday baqlanıwı múmkin. Bular perinatallıq tilser bolıp, náreste tuwılaman degenshe joldastıń ishinde jarıp shıǵadı. Anasına emiziw waqtında kesent etpewi ushın, bul tisler alıp taslanadı hám ornına sút tisleri shıǵadı.

Derek: @densawliq24
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы