лучший сайт где можно скачать шаблоны для dle 11.2 бесплатно

Депутатлық қадағалаўы нәтийжесинде 9 дана вертикал дренаж системалары толық жаңадан қурылды


Мәмлекетимизде дренаж системаларының жағдайын жақсылаў, олардың талап дәрежесинде үзликсиз ислеўин тәмийинлеўге қаратылған ҳүкиметлик бағдарлама жобалары  ҳәм илажлары ислеп шығылып, оларды әмелге асырыў ушын тийисли дәрежеде қаржы ресурслары ажыратылмақта. Усының нәтийжесинде суўғарып егилетуғын жер майданларының ярымынан аслам бөлегинде топырақтың шорланыўын сапластырыў машқаласы унамлы шешимин таппақта.

Мәселен, Қарақалпақстан Республикасында дренаж системаларын буннан былайда жақсылаў бойынша тийисли ҳүжжетлер тийкарында Тақыятас  районы  аймағындағы  дренаж тармақларын қурыў ҳәм оңлаў ушын Қарақалпақстан   Республикасы   Министрлер  Кеңеси  бирден-бир    буйыртпашы    хызмети  «Инжиринг компаниясы» менен «Тиклаш  таъмирлаш  хизмати» унитар  кәрханасы Тақыятас  филиалы ҳәм  Хожели районында жайласқан «РМК-498» жуўапкершилиги шекленген жәмийетлери  арасында дүзилген шәртнамаларға муўапық Өзбекстан Республикасы Қаржы Министрлиги жанындағы Аралбойы аймағын раўажландырыў фонды есабынан  2017-2018-жылларда тоғыз дана вертикал дренаж системаларын қурыў ушын  жәми 897 млн. 390 мың  сум қаржы ажыратылған.

Усы  қаржылардың ақылға муўапық сарпланғанлығын анықлаў мақсетинде Исбилерменлер ҳәрекети –Өзбекстан Либерал-демократиялық партиясынан Халық депутатлары Тақыятас  районлық  Кеңесине сайланған депутат  Азат Матмуратов тәрепинен депутатлық статусынан пайдаланған ҳалда Тақыятас  районындағы усы тоғыз вертикал дренаждың қурылыс-жоба  (смета) ҳүжжетлери  үйренип  шығылды.
Үйрениў нәтийжесинде жоқарыда атап өтилген кәрханалар тәрепинен ҳүжжетлерди қәлбекилестириў жолы менен қаржылардың талан-тараж етилгени, дренаж системаларының толық питкерилмегени мәлим болды.

Депутат  Азат  Матмуратов анықланған ҳалатқа нызам шеңберинде шек қойыў мақсетинде тийисли ўәкилликке ийе органларға мүрәжат етти ҳәм жоқарыда  атап өтилген   кәрханалардың  лаўазымлы  шахслары қарсысына мәмлекетлик  бюджеттиң пул қаржыларын растрата қылыў жолы менен талан-тараж   еткени ушын Өзбекстан Республикасы Бас  Прокуратурасы  жанындағы  Экономикалық Жынаятларға қарсы гүресиў Департаментиниң Қарақалпақстан  Республикасы Басқармасы  тәрепинен Өзбекстан Республикасы Жынаят Кодексиниң тийисли статьялары менен жынаят иси қозғатылып, айыпкер шахслар жынайый жуўапкершиликке тартылды.

 Солай етип, халық депутатының араласыўы менен бул мәселе нызам шеңберинде өзиниң унамлы шешимин тапты, яғный «Тиклаш таъмирлаш  хизмати»  унитар   кәрханасы ҳәм «РМК-498» жуўапкершилиги шекленген жәмийети  тәрепинен 2021-жылы  Ғәрезсизлигимиздиң  30-жыллығы қарасаңында 9 дана вертикал дренаж  системалары толық   жаңадан   қурылып, пайдаланыўға тапсырылды.

Азат Матмуратов
Тақыятас районлық Абаданластырыў бөлиминиң баслығы,
Халық депутатлары Тақыятас  районлық  Кеңесиниң депутаты
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы