лучший сайт где можно скачать шаблоны для dle 11.2 бесплатно

Каспий мәмлекетлик технологиялар ҳәм инженерлик университетинде 100 ден аслам Өзбекстанлы студентлер билим алмақта

Бүгин Бердақ атындағы Қарақалпақ мәмлекетлик университетинде Ш.Есенов атындағы Каспий мәмлекетлик технологиялар ҳәм инженерлик университети ректори Б.Ахметов басшылығындағы делегация келди.

Делегацияны университеттиң Илимий ислер ҳәм инновациялар бойынша проректори И.Турдымамбетов қабыллады.

Дәслеп, ҚМУдың Илимий ислер ҳәм инновациялар бойынша проректори И.Турдымамбетов ректор атынан мийманлардың университетке келгенлиги ушын миннетдаршылығын билдирди ҳәм университет тарийхы ҳәм илимий-билимлендириў системасы ҳаққында айтып өтти.

Соң, Ш.Есенов атындағы Каспий мәмлекетлик технологиялар ҳәм инженерлик университети ректори Б.Ахметов та университет тарийхы, бүгинги күндеги жаңалықлар жөнинде, билимлендириў тараўындағы мағлыўматларын келтирип өтти.

Ш.Есенов атындағы Каспий мәмлекетлик технологиялар ҳәм инженерлик университетинде ҳәзирги ўақытта 800ден аслам сырт елли студентлер бакалавр жөнелисинде билим алып атырғанлығын, олардың 100ден асламы өзбекстанлы студентлер екенлигин, ҳазирги ўақытта Венгрия, Россия ҳәм басқа да мәмлекетлер менен мобиль алмасыў, қос диплом сыяқлы бағдарламалардың әмелге асырылып атырғанлығын келтирип өтти. Сондай-ақ, бул жерге келиўден мақсет университетлер аралық бирге ислесиў шәртнамасын имзалаў, бакалавр ҳәм магисчтратураның баслы жөнелислери бойынша қос дипломды әмелге асырыў кереклигин де атап көрсетти.

Ушырасыў даўамында тәреплер нефт-газ, қурылыс, бизнес-экономика ҳәм гуманитар тараўлар бойынша бакалавриат «3+1», магистратура «1+1» қос диплом бағдарламасына байланыслы ҳүжжетлерди таярлаў ҳәм ислеп шығыў бойынша жуўаплы хызметкерлер белгиленди.

Буннан тысқары, еки университет арасында профессор-оқытыўшылардың алмасыўы, илимий ҳәм мәдений бирге ислесиўи бойынша бирге ислесиў шәртнамасы имзаланды.



ҚМУ баспасөз хызмети.

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы