лучший сайт где можно скачать шаблоны для dle 11.2 бесплатно

Нызамсыз аўланған төрт калта балық

Экология ҳәм қоршаған орталықты қорғаў комитетиниң Биокөптүрлилик ҳәм қорғалатуғын тәбийғый аймақлар бойынша Мойнақ районы инспекторлары тәрепинен рейд жумыслары алып барылғанында, көп муғдардағы балықларды нызамсыз түрде аўлап алып баратырған бир топар адамлар усланды.

Қарақалпақстан Республикасы Экология   ҳәм қоршаған орталықты қорғаў комитетиниӊ берген мағлыўматына көре, гезектеги рейд қадағалаў жумыслары барысында Мойнақ районындағы Шеге аўылы менен Порлытаў аўылы аралығындағы асфальт жолда Иж «Планета» мотоцикли 4 қалта балығы менен иркилди.

Тексериў барысында олар усы күни Мойнақ районы «Мәдели» АПЖ аймағындағы «Көксуў» көлинде нызамсыз түрде муз астынан қадаған етилген жылым торы жәрдеминде 740 дана ақ балық (толстолобик), 57 дана шабақ (лещь) балықларын аўлағаны анықланды.

Олардан айғақлы зат ретинде 1 дана жылым торы, 2 дана сүймен, 1 дана шана, 1 дана муз шолпысы, қалтаға салынған шыжымлары, арқан жиплери алынып, «Мойнақ аквасанаат» МУК қоймаханасына тапсырылды. ИЖ «Планета» мотоцикли районлық ишки ислер бөлимине тапсырылды.

Балықлар өлшеп көрилгенинде ақ балықлардың салмағы 130 килограмм, шабақлардың салмағы 10 килограмм болып шықты. Солай етип, бул пуқаралардың мәмлекетке келтирген зыяны Өзбекстан Республикасы Министрлер Кабинетиниң 2014-жыл 20-октябрьдеги «Биологиялық ресурслардан пайдаланыўды тәртипке салыў ҳәм тәбияттан пайдаланыў тараўында рухсат бериў тәртип-қағыйдаларынан өтиў тәртиби ҳаққында»ғы қарарына тийкарланып, 303 миллион 507 мың 83 сум, деп баҳаланды.

Анықланған факт бойынша топланған материаллар прокуратура уйымларына көрип шығыў ушын усыныс етилди.

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы