лучший сайт где можно скачать шаблоны для dle 11.2 бесплатно

«Шаба-шап»ты және сахнаға шығарыўға болама?

Қарақалпақ халқы әлзел-әзелден күлкиге қумар, ҳәзил дәлкекти түсинетуғын халық. Өз ўақтында халық арасына кирип өз өнерлери менен күлки уласып жүрген «Шаба-шап» театр студиясы соӊғы ўақытлары неге тоқтап калды. Бул бойынша көпшиликке «Кыдыр ата» лақабы менен таныс болған «Шаба шап»тыӊ жетекшилеринен бири Зийнатдин Айымбетов пенен сәўбетлестик.«Шаба-шап» театр студиясы ҳаққында қысқаша айтып берсеӊиз.


«Шаба-шап» театр студиясы дәслеп 5 адам менен 2005-жылы дүзилген болса биринши концертин сол жылы Ташкент қаласы «Истиқлол» саънат сарайында бердик. Бул студиямыз 2010-жылы жаўылып калды, бирақ қысқа ўақыт ишинде көп жерлерде концерт берип, көпшиликтиӊ кеўлинен орын алыўға еристик.

Ташкентте биринши концерт ўақтында афишаға «Шаба-шап театр студиясы» деп жазылса көпшилик Қазақастаннан келген Шимкент студиясы деп ойлаған.  Соӊ ҳәр бир оқыў орнынан «қарақалапақ ҳәзиллери» деген сөзди қосып қайтадан реклама берип шықтық. Усылай етип өз жумысымызда баслап алдық. 2006-жылғы концертимизде тамашагөйлер көп болды. Оннан кейинги жылы арнаўлы шақырў бойынша барып концерт қойдық.

Концертке сценарий жазыў ямаса режиссёрлық жумысларын ким алып баратуғын еди?


Сценарийди Арзымбетов Рустем менен бирге жазып, студияныӊ жигит-қызлары менен өзлеримиз режиссёрлық ететин едик. Өзлеримизден идеалар шығып, бирге таярланатуғын едик.

«Шаба-шап»тыӊ тоқтаўына не себеб болды?


Лицензиямыз бенен Ташкент қаласында концерт бердик. Сол лицензия менен өзимиздиӊ районларда, Нөкисте концерт бериўге рухсат бермей қалды.

2010-жылғы концертимизден соӊ лицензиямыз мүддети таўсылып қалды, оннан қалаберсе, баҳасыда кымбат болып кетти. Сол менен бизлердиӊда ҳәрекетлеримиз иркилип қалды. Бирақ және қәбилиетли жаслар менен қайтадан шөлкемлестириў нийетмиз бар.

Белгилеген тәртип бойынша лицензия ҳәр бир қатнасыўшыға бөлек-бөлек бериледи екен. Егер Студия ашып студияныӊ атына алынса онда қәлегенше қатнасыўшыларды жыйнап, сол лицензия менен сахнаға шықсақ болады.

Ал, ҳәр бир қатнасыўшыға бөлек берилсе қәбилиети бар жигитлер оны төлеўге қәрежети жетпей студиядан шығып кетеди. Бул әлбетте басқаларда үмитсизлик оятады.

Бир усынысым бар, Театр студияны мәмлекетлик етип ашса да болады. Мәмлекетлик етип ашылса мәденият минстрлигиниӊ атынан қәлеген жерге барып концерт берсе болады, салығын да өз ўақтында төлем түрабересен.

Қәўендер боламан деген фирма бар, ҳәтте таярланыў ушын студия, залы да бар тек лицензия тәрепи шешилмей атыр. Және ол фирма ийеси «Ажырытылған қаржы қапланама» деген қәўетерде.

Усындай қәўендерлик етемен деген фирма ямаса исбилерменлерге салық тәрепинен жеӊиллик берилиўи керек деп ойлайман. Сонда тек ғана мәденият тараўына емес, ал, басқа да қәўендер излеп жүргенлерге исбилерменлер қәўендерлик етеди. Оларға салық төлеминен жеӊиллик бериў керек деп ойлайман. Сонда (спонсор) қәўендерлик етиўшилерде көбейеди.


«Шаба-шап» театр студиясын қайта тиклесеӊиз биринши қайжерде концерт берген болар единиз?


«Асылсаӊ балент дарға асыл» дегендей Ташкент қаласында «Туркстан» саънат сарайында берген болар едик. Себеби онда барлық шараятлар бар. Интермедияда не керек болса барлығын тамийнлеп бере алады. Тамашагөйлер де көп сияды.


Алдыӊғы концертлериӊизде басқа студиялардан үйренип ямаса үлги алғанларыӊыз бодыма?


Еӊ биринши мәрте «Шаба-шап»тан алдын 1997-жыллар мектеп питкергеннен соӊ Тахтакөпир районында‚ «Тахтакөпир лаққылары» деген ат пенен шықтық. Қараөзек, Шымбай районларына барып интермедиялар көрсетип
жүрдик. Басқа сахнаға шыққан студиялардан үлги алмадық. Ҳаммесин күнделикли турмыстан алып, бир пеки жерин өзгертип иследик.

 Айтайық «Шаба-шап» өз жумысын қайта баслады. Сахнаға шығыў ушын неше күн керек болады?


Узағы менен еки ҳәпте жетерли болады. Себеби жыгыт-қызларымыз ҳәммеси тажирийбели, алдыннан сахнаны көрген актёрлардан.

Алдыннан жазылып қойылған сценарийлер ямаса жобаларыӊыз барма?


Сценарийимз бар. Себеби кишкене бир идеа келсе қағазға жасып қояберемиз. Студияны шөлкемлестирсек ислеймиз деп дүзип қойған режелермиз көп. Солардан арасында телевидениеге барып съемкаға түсип кетемиз. 1-апрель күлки күнине де арналган интермедияларымыз бар. Жақында халкымызға усынамыз.


Сахнаға шыққан  актёр көбирек неге итибар бериў керек?

Сахнаныӊ бес саны болады:

Биринши — Сахнада жақсы сөйлеў.

Екиншиси — Сөйлеген сөзиӊди залдыӊ еӊ ақырға қатарында отырған тамашагөй биринши қатарда отырған тамашагөй менен теӊдей естиў ҳәм түсине алыў керек.

Үшинши — Жақсы көриниў.

Төртинши — Сахнада ҳәркетлер орынлы болыў.

Бесиншиси —Сахнада шеригиӊниӊ ҳәркетлерин түсине билиў.


Сахнадан қателескен ямаса сөзиӊизди умытып калған жериӊиз болдыма?


Бир күни Дәнияр, Алишер деген достымыз бенен «үш қырсық» интермедиясын ойнап атырсақ, мен «Ҳе жигитлер ана күни алдымнан жүз қасықыр шықты» деген сөзимди умытып қалдым , сонда Алишер «Ай Зийнат ана күни сениӊ алдынан не шықты, бирзат шықтығо» деп есиме салады.

Бир «Хожалық ташўиши» деген музыйкалы компазицямыз бар еди мүғәллимлерди окытыў орайында. Тамашагөйлердиӊ барлығы мүғәллим еди.

Музыйка астында Рүстем мәс ҳалында шығады, мен ҳаял образында сипсе менен шығаман. Ҳәммес фонаграммаға жаздырылған еди. Тап сол ўақытта ток өшип қалды. Рүстем менен бир-биримизге қарап сол образ менен басқа сөзлер менен улыўма басқа интермедия дүзип жибердик.


Сизди көбирек тек күлки сөз-өнериниӊ устасы сыпатында танып қоймай актёр сыпатында да қысқа фильмлер рол атқарғаныӊызди көрдик.


«Жуўапкершилиги шеклеген жигитлер» ҳәм «Үш жилли» қысқа фильмлеринде рол ойнадым. «Үш жилли»ни көпшилик «Жуўапкершилиги шеклеген жигитлер»диӊ даўамы деп айтады.


Жумыс барысанан келип шығып көплеген районларда болсаӊыз керек, қайсы район халқы күлкини жақсы көреди ямаса юморды жақсы түсинеди?


Ҳақыйқаттан Республикамыздыӊ дерлик барлық районларында болдық. Улыўма алғанда Қарақалпақ халқы негизи ҳәзил дәлкекке жақын халық, ҳәр жер — ҳәр жер бес алты адам жийналып қалса бир «анектод» айтады да изин даўамлап кетеди.


«Шаба-шаптыӊ» күлкили сөзлерин халық арасында айтып жүргенерди еситтиӊзба?


Арасында еситип қаламан. Және қызық тәрепи Халқабатта мениӊ өзиме уқсаған «копия» бар екен аты Кеўлимжай. Оны өзим көрдим ҳам сәўбетлестим. Және Қоныратта мениӊ даўсыма уқсатып сөйлейтин адам бар екен.

Таярлаған: Парахат Ажимуратов, Султанбек Зияев

ҚМУ студентлери




скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы