лучший сайт где можно скачать шаблоны для dle 11.2 бесплатно

Қанлыкөлде Наўрыз байрамы (фото)

Қанлыкөл районы «Наўрыз» аўыл пуқаралар жыйындағы «Арба» этномәдений орнында Улыўмахалықлық Наўрыз байрамы мүнәсибети менен Қарақалпақстан Республикасы «Алтын мийрас» фонды ҳәмде район хәкимлиги менен бирге ислесиўши мекемелер қатнасында байрам сейили менен көргизбели театрластырылған байрам тамашалары өткерилди.

Байрам тамашасы Қарақалпақстан Республикасы көркем-өнер тараўындағы белгили қосықшылар менен эстрада жулдызлары қатнасында, қарақалпақ халқының миллий тағамларынан байрам дастурханы жайылып, дәстүрий тағамымыз болған сүмелек қайнатылып әтирапында миллий қосық ҳәм ойынлар менен даўам етти.

Қанлыкөл районы орайлық майданшасындағы ашық сахнада «Ассалам Наўрыз» улыўмахалықлық Наўрыз байрамы сейили менен көргизбели театрластырылған байрам тамашалары көтериңки руўхта өткерилди.

Район ҳәкимлиги имараты қарсысындағы кең майданға қурылған саҳна, районлық мәденият бөлими тәрепинен таярланған концерт бағдарламасы, сумелек, наўрыз гөже, палаў ҳәм қуўырдақ сыяқлы тағамлар асылып атырған қазанлар, бәҳәрдиң ынжық ҳаўа-райы, палўанлар гүреси, ат шабар жарысы, қулласы булардың барлығы байрам нәпесин жүрек-жүрегиңе тереңнен сиңдирместен қалмайды.


дерек:kanews

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы