лучший сайт где можно скачать шаблоны для dle 11.2 бесплатно

«Газ есаплағыш»та ғы сергиз данлық


Айтылыўы керек гәплер

 

Биз кимге исенемиз? Әдетте көпшилик өзиниң танысына исенеди, танысы болмаса «пәнт жеп қалмадымба?»  деген гүман турады ойында. Неге сондай, неге адамлар бирин-бири алдайды? Ҳақыйқаттан да бир-биреўге исеним жоғалып баратыр ма...?

 

Мәмлекетлик уйымларда ислеўши хызметкерлер қаншелли ҳүждан менен ислейди деген ой да сизиң кеўлиңизден өте ме әзийз оқыўшы?

Халықтың бири сыпатында басынан өткен бир күнлик сергизданлықты айтып берген заманласымыздың күйип айтқан әңгимесин сизиң нәзериңизге усынамыз. «Ҳәр бир шаңарақтағы

Сыяқлы мениң де хожалық машқалаларыма «бас қатырыўыма» туўры келетуғын ўақтым болады, газ есаплағыш үскенесин қурдырғанымызға төрт жыл болыпты ҳәм оны мәмлекетлик стандарттан өткериў мақсетинде газ мәкемесине бардым. Есиктиң сыртына пуқаралар газ есаплағышын өткериў ушын мәмлекетлик хызметлер орайына барыўы керек деген қағаз қыстырылған. Солай етип, мәмлекетлик хызметлер орайына паспортымның ҳәм ИНН қағазымның нусқасын алып барып, белгиленген суммада пул төледим ҳәм электрон гилт алдым.Солай етип, оларға «Мен не ушын пул төледим?»-деген сораўды бердим. Олар Мәжбүрий орынлаў бюросына электрон арза жибергенлигин ҳәм бул мен сатып алған электрон гилт арқалы әмелге асырылатуғынлығын

билдирди. Соңынан, ол жердиң хызметкерлери үш күн ишинде маған хабарласатуғынлығын, егер хабарласпаса, өзи қоңыраў етиўи мүмкинлигин айтып, исмлерин ҳәм телефон номерлерин жазып берди. Айтқанындай-ақ бир күннен кейин «Мәжбүрий орынлаў бюросынан едик»,-деп қоңыраў етти ҳәм аймақлық инспекторға қоңыраў етиўимди айтты. Ең қызығы енди басланды.

Аймақлық инспектор жыллы сәлем-әликтен соң, мениң арзымды еситти де, участкалық газ еса-

плағышын қадағалаўшының исмин, телефон номерин айтып, «бул мәселеде биз араласпаймыз, газ есаплағышыңызды өзлери шешип ҳәм орнатып береди»,-деди. (Усы жерде айта кететуғын нәрсе, мәжбүрий орынлаў бюросы жумысымды питкермесе, мен «бир айна»ға неге пул төледим деген

сораўға жуўап изледим). Газ тармағы хызметкерине қоңыраў еттим ҳәм ол мениң арзымды ди-

зимге киргизгенлигин, хызметкерлер үйиңизге барып, үскенеңизди шешип алып берип кетеди, бирақ, бул пуллы әмелге асырылатуғынлығын мәлим етти. Әлбетте, «қуры табаққа пәтия жүре ме?». Газ тармағы хызметкери айтылған ўақтында жетип келди ҳәм газ есаплағышты шешип берип кетти. Оны мәмлекетлик сынаў ҳәм сертификатластырыў мәкемесине алып бардым. «Әйнекти қақпаң, өзимиз хабарласамыз» деген жерде күтип турдым. Бир жанашыр «турабермей, әйнекти қағасаң» демегенинде және узақ күтетуғынлығым аян еди. Газ есаплағышты көзден өткерген хызметкер дәрриў қайтарып берип, «Аз газ басымында айланбай тур» деген сылтаў менен оңлаў бөлимине қарай силтеди. «Ҳаў ислеп тур еди-ғо» деўим менен илажсыз оңлаў бөлимине бардым ҳәм оларға берген сораўым мынаў болды  (бул сораўды басқалар да берер ме екен деген ой өтти қыялымнан) «Есаплағыштың бузылған яки бузылмағанлығын қалай билемен, булл мәкемениң мени алдамай атырғанлығына ким кепил?»-десем, «ондай болса, судласыўға толық ҳақың бар» деди. Күн суўық, алдымыз кеш, үйимдегилер аўқат-шай ише алмай, суўықта

тоңып отырғанын ойлап, «қой усы арзымаған жигирма бес мың екенғой, айтысып отыраман ба усылар менен» деп «яқшы даўым жоқ»-дедим де есаплағышымды «оңлатып» алдым. Стандартқа

толық жуўап беретуғын қағаз ушын да пулымды төлеп, үйге қайттым. Баяғы есаплағышты шешип

кеткен хызметкерге қоңыраў етсем, кеш болып кеткенлигин ҳәм өзлеримиз орнатып, ислете бериўимиз кереклигин айтты. Әлбетте, күн батқан соң ким келеди, қайғыратуғын, жанашыр адам келеди. «Есабын таўып» есаплағышты орнатып алдық. Ийнимнен аўыр жүк түскендей «жеп- жеңил» болдым, бирақ, бир есаплағышты деп қанша сергизданлық болғанлығын еслеп, кимлердур жумысына немқурайдылық пенен қарап атырғанлығынан кеўлим шөкти, қандайдур исенимсизлик пайда болды.

Не ушын адамлар танысын излейтуғынлығын енди түсингендей болдым. Бирақ, «неге, не ушын ҳүкиметтен айлық алып, бала-шағасын бағып, қара қазанын қайнатып отырған айырым адамлар өзине болған исенимди ақламай атырs»-деген сораў қыйнайды. Биз исенген адамлар қайда?-деп

Жуўмақлады заманласымыз. Бул мәселеге айдынлық киргизиў мақсетинде журналистлик сорастырыў өткериўди лазым таптым ҳәм Қарақалпақстан Республикасы сынаў ҳәм сертифи-

катластырыў мәмлекетлик кәрханасы директоры Ш.Қудайбергеновқа 7-февраль күни сораў менен мүрәжат еттим. Бул сораўларыма бүгинги күнге шекем жуўап берилмей, журналисттиң профессионаллық жумысына тосқынлық етти, себеби, Қарақалпақстан Республикасы «Ғалаба хабар қураллары ҳаққында»ғы нызамда ҳәм «Журналистлик искерлигин қорғаў ҳаққында»ғы нызам талапларына көре журналист сораўнамасына мәмлекетлик басқарыў органлары, жергиликли ҳәкимият ҳәм басқа да мәкеме, кәрхана, шөлкемлер жети күн мүддет ишинде жуўап бериўи шәрт екенлиги нызам менен кепилленген. Тилекке қарсы, бул кәрхана директоры

Ш.Қудайбергенов тәрепинен нызамның бул талабы орынланбай атыр. Бул ҳәрекет жуўмағы газетамыздың кейинги санларында жәрияланады.


дерек: ustaz.uz/Қундыз ЖУМАҒАЛИЕВА,

журналист.

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы