лучший сайт где можно скачать шаблоны для dle 11.2 бесплатно

«Баха ха шоу»: Халқымызға жаӊа күлки инәм етемиз

Сайтымыз хабаршысы Муборак Мамутова тез-арада сахнаға биринши мәрте шығыў алдында турған «Баха ха шоу» актёрлары Бахадирлер менен сәўбетлести.М.М: Күлки әлемине кириўиӊизге не себеп болды?
Қутлымуратов.Б: Айытсам күлкили болар, бирақ күлки әлемине қызығыўым бақашадан басланған. Мектепте оқып жүрген ўақытларда да «Баўыржан шоу», «Мырза шоу»ларға қызығып келгенмен ҳәм сахнаға шығыўыма усы қызығыўшылығым себеб болды.
Жапаров.Б: Мениӊ ата-анам мәденият тараўында, театрда ислеген. Театрдыӊ нанын жеп, театрда ойнап өстим. Қызыгыўшылығым соннан десем болады.
М.М: Бахадирлердиӊ негизги кәсиби қандай?
Қутлымуратов.Б: Өзбекстан Мамлекетлик Мәденият ҳәм көркем-өнер институты Нөкис филиалында оқып, театрда аз ўақыт ислеп, ҳәзир Ишки ислер бөлиминде «Арал» анцамблде ислеп атырман.
Жапаров.Б: Менде Мәденият ҳәм көркем-өнер институты Нөкис филиалын питкерип, ҳазирде Қарақалпақ Мәмлекетлик жас тамашагөйлер театрында актёр болып ислеймен.
М.М: Алдыӊыздан машқала шықса, ақыл менен жантасасызба ямаса жүргеӊизге бойсынасызба?
Қутлымуратов.Б: Көбирек ақыл менен шешемен.
Жапаров.Б: Кайсы жол менен болсада, илажы барынша шешим излеймен.
М.М: Сахна базар, сиз сатыўшы қайсы өнимге келгене халыққа артығы менен берген болар едиӊиз?
Жапаров.Б: Тәрбиялық күлкили сөзлерди халыққа инәм етиў керек деп ойлайман. Себеби жеӊил күлки менен ҳеш нәрсе шешилмейди. Тамашгөйлерди да шын кеўилден күлдире алмаймыз.
М.М: Сахна сизге не берди деп ойлайсыз хәм өмириӊздеги не нәрседен кешиўге мәжбур етти?
Қутлымуратов.Б: Маған халық пенен бирге ислесиўди, олардыӊ арасында журиўди үйретти десем болады.
Жапаров.Б: Тамашгөйди хүрмет етиўди, садықлықты үйретти.
М.М: Концерт алдынан не нәрседен көбирек қорқып турсыз?
Жапаров.Б: Биринши мәрте болғаннан соӊ албыраўшылық бар, ҳәм тамашагөйлер келмей қалама деген қорқыў бар.
Қутлымуратов.Б: «Баха ха шау» халыктыӊ ядында калатуғындай, жақсы күлки инәм етен алғандай хызмет ете аламызба?  Деген ой бар.
М.М: Сахнадағы дос менен өмирдеги достыӊ қандай айырмашылығы бар?
Қутлымуратов.Б: Менимше сахнадағы дос, өмирдеги досқа қарағанда басқаша жақынрақ болады.
Жапаров.Б: Өмирде да, сахна да жақын достым Бахадир Кутлымуратов.
М.М: «Баха ха шоу» биринши концертинде неге көбирек итибар берип атыр?
Жапаров.Б: Иләжи барынша таза хәзиллер үстинде көбирек ислеп атрымыз, басқаша интермедиялар қоямыз. Сондай-ақ, Карақалпақ қосықшыларынан ҳәм Ташкент қаласынан мийманларымыз келип, халқымызға өзлериниӊ жақсы ҳәм жаӊа қосықларын инәм етеди деген үмиттемиз.
М.М: Сын пикирлерди қай дәрежеде кабыл етесиз?
Жапаров.Б: Сын пикирлердиӊ арасында дурысыда, қәтесиде болыўы мүмкин. Солардан керегин алып, керекли жуўмақ шығарамыз.
Қутлымуратов.Б: Сын пикир өзиӊди тәртипке салыўға керек болады. Қай жерде қәтелестик, қайжерде дурыс иследик билип барамыз.
М.М: жеке өмириӊизге байланыслы сизге берилген сораўлардан қайсы биринен қашқан болар едиӊиз?
Қутлымуратов.Б: Не ушын ИИБ тараўын таӊладыӊ? деген сораўдан көбирек қашаман.
Жапаров.Б: Неге үйленбей жүрсен? деген сораўды бермегенди қәлеймен.

Еслетип өтемиз, «Бахах ха шоу» да тийкарынан үш қатнасыўышысы болып, олар:
Бахадир Жапаров, Бахадир Қутлымуратов ҳәм Бахтияр Абденовлар сизге күлки инәм етиў ушын 31-марттан 1-апрель сәнесине шекем Бердақ атындағы Қарақалпақ Мәмлекетлик Академиялық музыкалы театр сахнасында болады.
Парахат Ажимуратов
Муборак Мамутова
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы