лучший сайт где можно скачать шаблоны для dle 11.2 бесплатно

ҚМУда «Жас журналист-2018» таӊлаўы

Бердақ атындағы Қарақалпақ мәмлекетлик университети қарақалпақ филологиясы ҳам журналистика факультети Журналистика тәлим бағдары 2015-жылдан берли ҳәр жылы дәстүрий түрде өткерип киятырған «Жас журналист» таӊлаўыныӊ 2018 жылғы басқышына таӊлаў жәриялайды. Онда журналистика тәлим бағдарында билим алып атырған ҳәм журналистика кафедрасы қасында шөлкемлетирилген «Жас журналистлерди таярлаў» клубы агзалары қатнасыўы мүмкин.

Танлаў өткериўден мақсет: болажақ журналистлердиң талантын, уқыбын, еркин пикирлеў қәбилийетин ҳәм дөретиўшилик искерлигин жетилистириў ҳәм қоллап-қуўатлаў болып есапланады.

Таӊлаўда журналистика кафедрасында билим алып атырған 1-2-3-4-курс студентлери 2018-жыл 15-январь сәнесинен 2018-жылдыӊ 1-апрель сәнесине шекем Республикалық газета-журналларда ҳәм интернет сайтларда жәрияланған материалларыныӊ көширмелери (копиялары), радио ҳәм телевидение арқалы эфирге жиберилген еситтириў менен көрсетиўлердиң материаллары (дисклери менен) тапсырыўы мүмкин. Таңлаўға келип түскен материаллар комиссия қурамы тәрепинен көрип шығылады ҳәм сыйлы орынлар белгиленеди.

Таӊалаў номинациялары:

1. Ең жақсы баспасөз материалы;

2. Ең жақсы радиоматериал;

3. Ең жақсы телематериал;

4. Ең жақсы интернет материалы;

5. Ең жақсы сын материал;

6. Балалар ушын ең жақсы дөретпе;

7. Университет ҳаққында жазылған ең жақсы (баспасөз, радио, теле) материал;

8. Жаслар турмысына бағышланған ең жақсы (баспасөз, радио, теле) материал;

9. Ең жақсы фотофакт;

10. Ең көп материал жәриялаған автор;

11. ҚМУдыӊ karsu.uz веб-сайтында еӊ көп мақала жәриялаған автор;

12.Еӊ жақсы веб-сайт ийеси;

13. Еӊ жақсы блог ийеси;

14. Еӊ жақсы тележойбар;

15. жылдыӊ ен белсенди жас журналисти;

Материаллар 2019-жылдыӊ 30-апрель сәнесине шекем қабыл етиледи ҳәм 2019-жылдыӊ 3-май сәнесинде жеӊимпазлар сыйлықланады.


Мағлыўмат ушын телефон +99899 957-80-90 +99893 752-62-99

ҚМУ Журналистика кафедрасы

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы