лучший сайт где можно скачать шаблоны для dle 11.2 бесплатно

Мойнақ районындағы мектеплерге компьютер ҳәм китаплар саўға етилди

Ҳәммемизге мәлим, Президентимиздиң тиккелей басламасы менен экологиялық аўыр шараятта жасап атырған республикамыз, әсиресе Мойнақ районы халқының турмыс дәрежесин және де жақсылаў, Арал теңизиниң қурыўы ақыбетинде жүзеге келген экологиялық жағдайды жумсартыў, аймақта жасыл тоғайлықларды жаратыў бойынша кең көлемли жумыслар әмелге асырылмақта.
Өзбекстан Республикасы Министрлер Кабинетиниң 2019-жыл 16- январьда "Қарақалпақстан Республикасының Мойнақ районын комплекс социаллық-экономикалық раўажландырыў ис-илажлары ҳаққында"ғы 37-санлы Қарары қабыл етилген еди.
Қарарға муўапық, Мойнақ районы барлық зәрүрий инфраструктураға, атап айтқанда, инновациялық мектеп, спорт объектлери, емлеў-профилактикалық мекемелер, заманагөй аэропорт, мийманхана, саўда ҳәм дем алыў орайлары, «селфи объект»лери, оптик талшықлы интернет тармағы, IP-телевидениеге ийе болған заманагөй қалаға айландырылады.
Районда әмелге асырылып атырған жаратыўшылық жумысларына жәрдемлесиў мақсетинде Республикамыздың барлық аймақларынан көмекшилер келмекте.
Солар қатары Өзбекстан «Миллий тикланиш» демократиялық партиясы Орайлық Кеңеси баслығы орынбасары, Олий Мажлис Нызамшылық палатасындағы ӨзМТДП фракциясы ағзасы Алишер Ҳамроев, фракция ағзалары, Козим Тожиев, Жолдасбай Абдижамилов, Олий Мажлис Сенаты ағзасы, Өзбекстан Қаҳарманы Ғайратдин Хожаниязов, партия Қарақалпақстан Республикасы Кеңеси ўәкиллери, Қарақалпақстан Республикасы Жоқарғы Кеңеси ҳәм Халық депутатлары Мойнақ районлық Кеңеси депутатлары Мойнақ районында болды.

Сапар даўамында партиямыз ўәкиллери район орайынан 45 километр узақта жайласқан «Бозатаў» АПЖдағы 9-санлы мектеп ҳәм «Мәдели» АПЖдағы 12-санлы мектеплердиң жумыслары менен танысты. Районда әмелге асырылып атырған үлкен өзгерислерди қоллап-қуўатлаған ҳалда партиямыз ўәкиллери тәрепинен районның ең шетки аймақларында жайласқан усы мектеплерге 2 дана компьютер ҳәм 100 дана китап саўға етилди. Оннан кейин партия ўәкиллери мектеплердиң әтирапына ҳәр түрли нәллер егип, көклемзарластырыўға өз үлесин қосты.
Сапар соңында район турғынлары бундай қайырлы жумысларға мүнәсип үлесин қосып киятырған партия ўәкиллерине өз миннетдаршылығын билдирди.

Мырзахмет Тажимуратов
ӨзМТДП ҚР Кеңеси жетекши қәнигеси
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы