лучший сайт где можно скачать шаблоны для dle 11.2 бесплатно

Әскерий хызметке келиўшилер арнаўлы таңлаўлар өткериледи

Ҳүкимет қарары (291-сан, 09.04.2019-ж.) менен Шақырылыўшыларды таңлап алыў тәртиби ҳаққындағы реже тастыйықланды
Усы реже шақырылыўшыларды әскерий-техника қәнигеликлери бойынша таярлыққа тартыў ҳәм мүддетли әскерий хызметти өтеў ушын таңлап алыў тәртибин белгилейди.
Таңлаў шақырылыўшыларды улыўма физикалық таярлығын баҳалаў, кәсиплик таңлаў ҳәм жеке тәртипте сәўбет формасында район ҳәкими қарары менен тастыйықланатуғын Таңлаў кеңеси тәрепинен әмелге асырылады.
Таңлаў шақырыў жылынан алдынғы жылдың 10-августинен шақырыў жылының 10-февралине шекем өткериледи.
Таңлаўда қатнасыўда шақырылўшылардың саны шекленбейди.
Шақырылыўшылардың улыўмафизикалық таярлығын баҳалаў төмендеги нормативлер бойынша өткериледи:
  • турникте тартылыў;
  • 100 метрге жүгириў;
  • 3000 метрге жүгириў.
Усы нормативлерди тапсырмаған шақырылыўшылар кәсиплик таңлаў илажларына қойылмайды.
Кәсиплик таңлаў компютерде исленетуғын 60 сораўларға жуўап бериў арқалы шөлкемлестириледи.
Сораўлар мектеп, колледж ҳәмде лицей дәстүрлери шеңберинде дүзиледи ҳәмде сораўларды ислеў ушын 1 саат 30 ми нут ўақыт бериледи.
Сораў-жуўаплардың жуўмақлаўшы баҳасы мониторда автоматикалық көринеди ҳәмде кәсиплик таңлаўды тәкирар тапсырыўға рухсат берилмейди.
Жеке тәртиптеги сәўбет видоебақлаў камералары қадағалаўында Өзбекстан тарийхы, Амир Темур түзиклери ҳәм басқа уллы әўладларымыз өмири ҳәм искерлигине тийисли билимлерди анықлаў арқалы әмелге асырылады.
Жеке тәртиптеги сәўбет жуўмағында Таңлаў кеңеси шақырылыўшыны әскерий-техника кәнигеликлери бойынша таярлыққа тартыў ямаса мүддетли әскерий хызметти өтеў ушын усыныў ямаса усынбаў бойынша қарар қабыл етеди.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы