лучший сайт где можно скачать шаблоны для dle 11.2 бесплатно

Онкологиялық кеселликлерди емлеў ушын дәри өнимлерин ислеп шығыў шөлкемлестириледи

2019-2021-жылларда Республиканың фармацевтика тармағын жәнеде жедел раўажландырыў илажлары ҳаққындағы Президент Пәрманы (ПП-5707, 10.04.2019-ж) қабыл етилди.
Пәрманға муўапық, Фармацевтика тармағын раўажландырыў агентлигиниң «O`zmedimpeks» Мәмлекетлик унитар кәрханасы Ден саўлықты сақлаў министрлигине өткериледи.
Ендигиден былай дәри өнимлери ҳәм медициналық буйымларды ислеп шығарыў, таярлаў ҳәм олардың көтере саўдасы үстинен қадағалаў ҳәмде фармацевтика искерлигин лицензиялаў, Фармацевтика тармағын раўажландырыў агентлиги тәрепинен әмелге асырылады. Алдын бул функциялар Ден саўлықты сақлаў министрлиги тәрепинен әмелге асырылған.
Пәрман менен Агентликтиң тийкарғы ўазыйпалары белгиленди.
Фармацевтика тармағын турақлы раўажландырыў стратегиясын ислеп шығыў ҳәм әмелге асырыў солар қатарында.
Сондай-ақ, Исбилерменлик искерлигин раўажландырыўды қоллап-қуўатлаў мәмлекетлик фонды дәри өнимлери ҳәм медициналық буйымлары миллий ислеп шығарыўшыларға кредитлер бойынша кредит суммасының 50 процентине шекем, бирақ 10 миллиард сумнан аспайтуғын қаржыға кепиллик береди.
2019-жыл 1-июлден импорт дәри өнимлери ҳәм медициналық буйымларын “еркин айланысқа шығарыў (импорт)” бажыхана режимине рәсмийлестириўде бажыхана баҳасының 1,2 проценти муғдарында бажыхана рәсмийлестириўы ушын жыйым өндириледи.
2022-жылдың 1-январға шекем төмендегилер мәжбүрий сертификатластырылыўы лазым:
Фармацевтика өнимлериниң клиник-алды изертлеўлерин әмелге асырыўшы барлық лабораториялар зәрүр лаборатория әмелияты (GLP) миллий талапларына муўапық;
Ден саўлықты сақлаў министрлигиниң клиникалық изертлеўлер өткериўши барлық клиникалық базалары зәрүр клиника әмелияты (GCP) миллий талапларына муўапық;
Фармацевтика өнимлерин ислеп шығарыўшы барлық жергиликли кәрханалар зәрүр ислеп шығарыў әмелияты (GMP) миллий талапларына муўапық;
Фармацевтика өнимлерин көтере сатыў менен шуғылланыўшы барлық жергиликли кәрханалар Зәрүр дистрибюторлық әмелияты (GDP) миллий талапларына муўапық.
Пәрман менен 2019-2021-жылларда республиканың фармацевтика тармағын жедел раўажландырыў бойынша “Жол картасы” тастыйықланды.
Жол картасы шеңберинде 2019-жыл 1-июлге шекем импорт етиўде қосылған қун салығынан азат етилетуғын санаат ислеп шығарыўы ушын шийки зат ҳәмде дәриханада таярланатуғын дәри өнимлери ҳәм медициналық өнимлер дизими тастыйықланады.
2019-2021-жылларда 10 түрдеги дәри өнимлери топарларын ислеп шығарыў жергиликлилестириледи. Антибиотиклер, вирусларға қарсы ҳәмде онкологиялық кеселликлер ушын дәри өнимлери солар қатарынан.
2022-жыл 1-январға шекем фармацевтика өнимлери ислеп шығарыўшылары, қәнигелескен институтлар ҳәм жоқары оқыў орынлары өз мүтәжликлери ушын алып келинетуғын ҳәмде фармацевтика өнимлериниң көтере ҳәм усақлап сатыў саўдасы менен шуғылланыўшы кәрханалар тәрепинен аптека ишинде дәри таярлаў мақсетинде алып кирилетуғын төмендеги қураллар бажыхана төлемлеринен азат етилди:
Технологиялық ҳәм лаборатория үскенелери, олардың пүтинлеўши ҳәм аўысық бөлеклери;
Фармацевтика ислеп шығарыў бинәлары ушын «таза ханалар»;
Сэндвич-панеллер ҳәм вентиляция системалары;
Лаборатория ҳайўанларын бағыў, клиник-алды изертлеўлер ҳәм дәри өнимлери ислеп шығарыў ушын ислетилетуғын шийки зат ҳәм материаллар;
Медициналық буйымлар ҳәм қадақлаў материаллары.

Дерек:  https://t.me/huqiqiymalimleme
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы