лучший сайт где можно скачать шаблоны для dle 11.2 бесплатно

Уныраған үйдеги инсан (Tермитлерге қарсы гүресемиз)

Бүгинги күнде елимиздеги болып атырған өзгерислер, жаңаланыўлар ҳәр биримиздиң кеўлимизди қуўанышқа бөлейди. Президентимиз Ш.М.Мирзиёев тәрепинен әмелге асырылып атырған реформалар, қабыл етилип атырған жаңа нызам ҳәм қарарлардың бәршеси  журтымыздың айдын келешеги, инсанлардың тыныш таныў өрмир кешириўинен дерек береди.
Кейинги жылларда мәҳеллер жумысларына қайта өзгертиўлер киргизиў ҳәм олардың жумысларын буннан былайда жетилистириў ис-илажлары алып барылмақта. Усындай жаңаланыўлар, өзгерислер болып атырған бир ўақытта пайтахтымызда жайласқан «Жаңа базар» МПЖ (Қос-көл 3) аймағындағы көз жумып болмайтуғын машқала менен дусластық. Усы аймақ турғыны Т.Қопаев ҳам оның машқаласы менен танысқанымызда. Жайының бир бөлмесиниң бастырма ағашларын термит жеп, зыян жеткизген. Бөлме төбеси ойылып қалған. Үй айналары, есиклери улыўма айытқанда жай авариялық жағдайға келип қалған.
Усындай үйде қыстың қыраўлы, бәҳәрдиң жаўынлы күнлеринде жасап келген Т.Қопаев пенен сәўбетлестик. «Әкем менен усы үйде бирге турдым. Ол киси қайтыс болганнан соң бул жерде бир өзим жасап атырман. Ҳәзирде 2-топар майыбыман. Халқымызда «қырқ жамаў болсада, өз кийимиң жақсы» дегениндей, үйим төбеси қулап қалсада, термитлер уялап кеткен болсада өз үйимди таслап кетким келмейди» дейди биз бенен сәүбетте.
2013-жылдан берли Т.Қопаевтың жайын термит жеп баслаған. Мине арадан алты жыл өтип, жайының ахўалы бүгинги көриниске келип қалған. «Ҳәр күни кеште уйқыға жатар алдында, таңға аман шықсам болар еди деп жатаман. Себеби барлық бөлмелердиң бастырма ағашлары зорға турыпты»-деп айтып өтеди Т.Қопаев.
Бул сәўбетимиз 2019-жылдың 25-февраль сәнесинде болып өткен еди.
Биз сол күнниң ертеңине Нөкис каласы ҳәкимиятына Т.Қопаевтың ахўалы ҳәм шанарақ жағдайы ҳаққында толык мағлыўмат алыў ушын жүзлендик. Сондай-ақ, сол күни «Жаңа базар» МПЖ баслығы Н.Қалбаев пенен де сәўбетлестик. Мәҳелле ақсақалы тәрепинен 2018-жылдың 26-декабр ҳәм 2019-жылдың 25-феврал айларында  Т.Қопаевтың аўхалы ҳәм үйиниң авариялық жағдайда екенлигин ескертип, Нөкис қаласы ҳәкими биринши сектор баслығы П.Турешовқа мағлыўмат жибереди. Мағлыўмат хатында көрсетилиўинше 165-қарарға муўапық бир мәртелик 2018-жылы декабрь айына 861.200 сум ҳәм сол айға көмир ушын 400.000 сум, жәми 1.261.200 сум қаржы «Халық банк» тәрепинен есап бети ашылып салып қойылған. Егер пулды берсек жайын оңлаўға сарыпламай спиртли ишимлик ишип қойыў гуманы менен сақлап қойылғаны ҳаққында келтирип өтилген. Сол күни «Жаңа базар» баслығы Н.Қалбаев бул мәселени сектор ағзалары менен қайта корип шығып шешим қабыллаўды айтып өткен еди.
Араға бир айдан көплеў ўақыт салып, және сол уныраған үйдиң жағдайы менен танысыўға бардық. Буннан алдын келип, қайтып көрген болсақ, үй еле сол ахўалда турған. Термитлер көбейсе, көбейген бирақ азаймаған.
МПЖ баслығы сектор бөлимине хат жоллаған болса не ушын бул үйдиң ахўалы корип шығылмаған. Қарақалпақстан Республикасы термитке қарсы гүресиў орайы барма? Бар болса бундай орынларда әмелий жумыслар алып бармайма?
Жуўмаққа келетуғын болсақ сораўлар көп. Т.Қопаев жоқарыда келтирип өтилген машқаласы қашан өз шешимин табады деп күтпекте.
Zaman.uz сайты ушын арнаўлы С.Зияев
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы