лучший сайт где можно скачать шаблоны для dle 11.2 бесплатно

Екинши жәҳән урысы ҳәм мийнет фронты ветеранларының ҳалынан хабар алынды

2019-жыл 23-апрель сәнесинде Өзбекстан Республикасы Президентиниң «Екинши жер жүзлик урыс қатнасыўшыларын хошаметлеў ҳаққында»ғы Пәрманы ҳәм «Еслеў ҳәм қәдирлеў күнине таярлық көриў ҳәм оны өткериў илажлары ҳаққында»ғы қарары қабыл етилген еди. Соннан келип шыққан ҳалда екинши жәҳән урысы ҳәм мийнет фронты ветеранларының жағдайынан хабар алынып, оларға саўғалар тапсырылмақта.
Атап айытқанда, Өзбекстан «Миллий тикланиш» демократиялық партиясы Қарақалпақстан Республикасы Кеңеси ҳәм Олий Мажлис Нызамшылық палатасы депутатлары менен биргеликте екинши жәҳән урысы қатнасыўшыларының жағдайынан хабар алынды.
Дәслеп Өзбекстан «Миллий тикланиш» демократиялық партиясы Орайлық Кеңеси баслығы, Олий Мажлис Нызамшылық палатасы спикери орынбасары Сарвар Отамуратов, Қарақалпақстан Республикасы Жоқарғы Кеңеси депутатлары, партия ўәкиллери Хожели районына барып, екинши дүнья жүзилик урыс қатнасыўшысы Нурулла ата Исаков ҳәм мийнет фронты ветераны Ўғил Атажановалардың ҳәм «Миллий тикланиш» партиясы ўәкиллери ҳәм Олий Мажлис Нызамшылық палатасы депутатлары Зумрад Бекатова, Жолдасбай Абдижамиловлар екинши дүнья жүзилик урыс ветеранлары болған Нурылла Абдуллаев ҳәм Назарбай Тажибаевлардың үйлерине барып, олардың ҳал-жағдайынан хабар алды ҳәм оларға байрам саўғалары тапсырылды.
Ветеранлар бундай итибар ҳәм көрсетилип атырған ғамхорлықтан үлкен қуўанышта екенлигин билдирди.

Парахат Ажимуратов zaman.uz
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы