лучший сайт где можно скачать шаблоны для dle 11.2 бесплатно

«Өзбекстан өз үйимиз-бул әзиз Ўатан бәршемиздики» атамасында фестиваль өткерилди

Ɵзбекстан Республикасы Президентиниң  2017-2021 жылларда елимизди раўажландырыў бойынша мақсетли бағдарлама саналған Ҳәрекетлер стратегиясының  бесинши бағдарында миллетлер аралық татыўлықты беккемлеў мәселесинде қатар ўазыйпалар белгиленген болып, узақ ҳәм жақын мәмлекетлер менен байланысты беккемелеў, жақын қоңсышылық, туўысқан халықлар бирлиги ҳәм мәмлекетимизде жасаўшы көп санлы миллетлердиң  мәденият, үрп-әдетлерин раўажландырыў көзде тутылған еди.
Президентимиздиң елимизде руўхый-ағартыўшылық тараўын раўажландырыў, жаслар мәнаўиятын жоқарылатыў ҳәм бос ўақытларын мазмунлы шөлкемлестириў бойынша бес тийкарғы басламасы мәмлекетимизде кеңнен ен жайдырылып, усы тийкарда келешек ийелериниң билим ҳәм қәбилетлерин жүзеге шығарыўда қатар илажлар әмелге асырылмақта.
Қараөзек районы ҳәкимлиги, Қарақалпақстан қазақ миллий мәдений орайы ҳәм орайдың районлық бөлими, районлық халық билимлендириў бөлими, мәденичт бөлими, Өзбекстан «Миллий тикланиш» демократиялық партиясы районлық кеңеси ҳәм жаслар аўқамы районлық кеңеси биргеликте «Өзбекстан өз үйимиз – бул әзиз Ўатан бәршемиздики» сүрени астында уллы қазақ ойшылы, шайыр Абай Қунанбай улының дөретиўшилик мийрасын кеңнен үйрениў ҳәм үгит-нәсиятлаў бойынша Өзбекстан Республикасы Президентиниң қарарында белгиленген ўазыйпалардың орынланыўын тәмийинлеў, билимлендириў мәкемелери оқыўшылары ҳәм оқытыўшыларының көркем-өнер ҳәм әдебият бойынша қәбилетлерин жүзеге шығарыў, хошаметлеў мақсетинде «Биз Абайды ядқа билген халықпыз» атамасында таңлаў фестивалы шөлкемлестирилди.
Фестивалға Қарақалпақстан қазақ миллий мәдений орайы ҳәм районлық бөлими белсенди ағзалары, район ҳәкимлиги, халық билимлендириў,  мәденият бөлимлери, «Миллий тикланиш» партиясы ҳәм жаслар аўқамы қәнигелери, райондағы улыўма орта билим бериў мектеплери ҳәм кәсип-өнер колледжлери оқытыўшы ҳәм оқыўшыларынан дүзилген топарлар қатнасты. Тийкарынан мектеп ҳәм колледж оқыўшылары арасында «Үмит жулдызлары» ҳәм оқытыўшы, педагог хызметкерлер арасында «Талантлы устазлар» атамасында шөлкемлестирилген таңлаўға қатнасқан үш жүзден аслам қатнасыўшылар, жеке дөретиўшилиги, Абай шайыр дөретпелеринен ҳәм туўысқан халықлар аяқ ойынлары, миллий саз әсбапларында өз қәбилетлерин усынып, бир қатар номинациялар бойынша белсене қатнасқанлар  мақтаў жарлықлары, алғыснама ҳәм естелик саўғалар менен сыйлықланды.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы