лучший сайт где можно скачать шаблоны для dle 11.2 бесплатно

Көшеде китап оқып киятырған Гүлзада Ҳәкимниң алғысына мыясар болды

Өз хызмет машинасында жумыс бабы көшеде кетип баратырған Хожели районының ҳәкими Жеңис Ермашев жол бойында китап оқып баратырған китапқумар оқыўшы қызға қайыл қалып, оған китап ҳәм ручка саўға етти. Бул ҳаққында район ҳәкимининг инстаграм тармағында хабар берилди.
–Кешки саат 19:30 лар шамасында хызмет бабы менен Хожели районы "Кулаб" АПЖ аймағынан киятырып жол бойында бир мектеп оқыўшысының китап оқып баратырғаны мениң дыққатымды өзине тартты, – дейди Ж.Ермашев. – Машинамызды дәрҳәл тоқтатып, ол қыздан өзин таныстырыўын сорадым. Районлық 7-мектептиң 9-б класс оқыўшысы Турсынбаева Гүлзаданың усы күнлерде елимиз бойлап 90 жыллық юбилей тойы белгиленип атырған Уллы шайырымыз И.Юсуповтың шығармаларын пияда жүрип оқып баратырғаны мени шексиз қуўанышқа бөледи. Сол жердиң өзинде ол маған шайырдын "Айт сен Әжинияздың қосықларынан" дөретпесин ядка айтып берип, өзинин қаншелли китапкумар ҳәм талантлы екенлигин дәлийлледи.

 Оны усындай етип тәрбиялап атырған ата-анасына, сондай-ақ, мектептеги устазы Қанназарова Гүлнараға терең алғысымызды айтамыз!!!
Дерек: Karakalpakstan.uz
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы