лучший сайт где можно скачать шаблоны для dle 11.2 бесплатно

Қарақалпақстанда Эразмус+ ҳәптелиги басланды

Бүгин 14-май күни Қарақалпақ мәмлекетлик университетиниң руўхыйлық залында Эразмус+ бағдарламасы ҳәм бағдарлама шеңберинде жумыс алып барып атырған жойбарларға арналған семинар болып өтти ҳәм Эразмус+ ҳәптелиги басланды. Семинарды халықаралық байланыслар бөлими методисти Б.Султамуратов ашты ҳәм алып барды
Күн тәртибине бола журналистика кафедрасы доценти, Эразмус+ бағдарламасы шеңбериндеги жоқары билимлендириўди жетилистириў бойынша миллий топар ағзасы Б.Палуанов «Қарақалпақстандағы ЖООларындағы Эразмус+ жойбарлары жумыслары» темасында шығып сөйледи ҳәм жыйналғанларға Эразмус+ бағдарламасы ҳаққында ҳәм Қарақалпақстан Республикасындағы жоқары оқыў орынларындағы жойбарлар ҳәм олардың алып барып атырған жумыслары ҳаққында кең түрде айтып өтти.
Буннан соң ҚМУдың журналистика кафедрасы оқытыўшысы Е.Жаримбетов усы жылы жумыс баслаған «DЕСIDЕ» жойбары ҳәм оның жумыслары бойынша кең түрде айтып өтти.
ҚМУда жумыс алвп барып атырған GREB  жойбары шеңберинде алып барылып атырған жумыслар, Италияның Л’Акуила университетине болған сапары ҳаққында студент Ж.Искендеров жыйналғанларға арнаўлы презентациясын усынды.
Семинар ақырында университеттиң халықаралық байланыслар бөлими қәнигеси Б.Султамуратов та өз тәжирийбелери менен бөлисти. Ол өзиниң Темпус бағдарламасының Uzhelth  жойбары бойынша өткерген мобиллик хызмети ҳаққында кең түрде айтып өтти.
Семинар өз-ара пикирлесиўлер ҳәм сораў-жуўаплар менен даўам етти.

Ж.Искендеров
ҚМУ студенти.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы