лучший сайт где можно скачать шаблоны для dle 11.2 бесплатно

Қараөзекте миллий спорт түрлери ҳәм халық ойынлары фестивалы болып өтти

Елимиз Президенти Ш.Мирзиёевтыӊ жаслар мәнаўиятын байытыў ҳәм олардыӊ босўақытларын мазмунлы шөлкемлестириў бойынша бес тийкарғы басламасыныӊ ен жайдырылыўы, әсиресе жаслар арасында физикалық шынығыў ҳәм спорт түрлерин раўажландырыў, спорт арқалы саламатлықты беккемлеў бағдарындағы жөнелис тийкарында Қараөзек районы ҳәкимлиги, районлық халық билимлендириў, мәденият, дене тәрбия ҳәм спорт бөлими, Өзбекстан «Миллий тикланиш» демократиялық партиясы және жаслар аўқамы районлық кеӊеслери биргеликте миллий халық ойынлары ҳәм спорт түрлеринен фестиваль шөлкемлестирди.Өзбекстан Республикасы Олий Мажлисиниӊ грантлар таӊлаўында районда миллий спорт түриниӊ ғалабалығына ерисиў жойбары менен қатнасып жеӊимпазлықты қолға киргизген қатар тараў ўәкиллери миллий халық ойынларын үгит-нәсиятлаўды да мақсет етип, жойбар қаржылары есабынан шөлкемлестирилген спорт дөгереги ҳәм мәденият бөлиминиӊ халық ойынлары дөгереги биргеликте мақсетли жумыс алып барып атыр.«Миллий халық ойынлары ҳәм спорт түрлери мәнаўиятымыз тийкары» сүрени астындағы фестиваль да тиккелей спорт айлығын жоқары көтериӊки рухта өткериў ҳәм миллий спорт түрлери ҳәм халық ойынларын ен жайдырыў, ғалабалығына ерисиў  сондай-ақ, мектеп оқыўшыларыныӊ бос ўақытларын мазмунлы шөлкемлестириў, жаслар санасында миллийлигимизден мақтаныш, ана Ўатанға садықлық сезимин арттырыўға бағышланды.
Фестиваль шеӊберинде миллий спорт түрлеринен гүрес ҳәм белбеўли гүрес, өзбек жаўынгерлик өнеринен көргизбели шығыўлар, миллий халық ойынлары ойнап көрсетилип, кеӊ түрде түсиндирип берилди. Шөлкемлестириўшилер тәрепинен мастер класслар, тәжрийбе сабақлары тамашаланып, барлық қатнасыўшылар мақтаў жарлықлары менен хошаметленди. Жуўмағында мектеп оқыўшылары тәрепинен концерт бағдарламасы тамашаланып, фестиваль заўықлы жаслар кешесине уласып кетти.

Қ.Жақсымуратов
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы