лучший сайт где можно скачать шаблоны для dle 11.2 бесплатно

“Future Muynak” орайына 260 талабан арасынан 150 оқыўшы сайлап алынды

Мойнақ районында Өзбекстан Республикасы Президентиниң социаллық ҳәм руўхый ағартыўшылық тараўларға тийисли 5 басламасы тийкарында “Future Muynak” хабар технологиялары ҳәм китап оқытыўға үйретиў оқыў орайы ашылыўы режелестирилмекте. Бүгинги күнде орай ушын жаңа бинаның қурылыс ислери әмелге асырылмақта.“Future Muynak” орайының мақсети жасларды жоқары сапалы оқытыў сол тийкарда инновациялық таярлаў системасын раўажландырыў, аймақлық ҳәм халықаралық хабар технологиялары тараўына интеграция қылыў, Мойнақ районын санлы экономика тийкарында раўажландырыў саналады.
Орайда оқыў тийкарынан 4 бағдарда яғный, анимация, веб дизайн, кино видео өнимлерин, компьютер ойынларын ислеп шығарыў. Сондай-ақ оқыўшыларға сабақлар даўамында программаластырыў, компьютер анимациясы, 2D графика 3D моделлестириўде үйретиледи.Орайда тәлим алатуғын оқыўшылар жасы 12 ден 16 жасқа шекем етип белгиленип, олар бос ўақтында қосымша түрде бийпул оқытылады.
“Future Muynak” орайына оқыўшыларды сайлап алыў мақсетинде Ташкент информациялық технологиялары университети Нөкис филиалы профессор-оқытыўшылары тәрепинен тест ҳәм логикалық сораўлар дүзилди.
Усы жылдың 28-май сәнесинде ТИТУ Нөкис филиалы профессор-оқытыўшылары тәрепинен Мойнақ районындағы 260 жаслары арасында комьютер саўатлылығы ҳәм логика бойынша тест сынаўлары болып өтти.
-“Биз тестти оқыўшылардың класс дәрежелерине қарап дүздик. 260 талабан арасынан 150 оқыўшы сайлап алынды ”-дейди, ТИТУ Нөкис филиалы оқытыўшысы техника пәнлери бойынша фалсафа докторы (Phd) Елмурат Бабажанов.Сондай-ақ ТИТУ Нөкис филиалы профессор-оқытыўшылары тәрепинен “Future Muynak” орайына сапалы тренерлерди сайлап алыў мақсетинде 20 дан артық информатика пәни муғәллимлериниң билим дәрежелери сәўбет арқалы анықланды.

ТИТУ Нөкис филиалы
Баспасөз хызмети
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы