лучший сайт где можно скачать шаблоны для dle 11.2 бесплатно

Нөкисте Бес баслама: «Нөкис мениң нәзеримде», Оқыўшылардан қысқа метражлы анимация ҳәм Масстер-класслар

Жаслардың өнер, спорт, информация технологиялары, китап оқыўға қызығыўшылығын асырыў бойынша 5 тийкарғы баслама бойынша Республика жаслар орайы Қарақалпақстан бөлими тәрепинен унамлы жумыслар әмелге асырылып атыр.
Атап айтқанда, биринши баслама  жаслардың музыка, сүўретшилик, әдебият, театр ҳәм көркем өнердиң басқа да түрлерине қызығыўшылықларын арттырыў мақсетинде -«Нөкис мениң нәзеримда» темасында сүўретлер таңлаўы өткерилди.
Сондай-ақ, таңлаўда қәбилийетли балалар «Мениң дем алыўым» темасында Нөкис қаласын қағазға суўретледи.
Ең жақсы сүўретлер деп төрешилер тарепинен усыныс етилген еӊ жақсы суўрет ийелери: Айзада Якупбаева 1-орын, Зулайхо Тилеумуратова 2-орын ҳәм Роза Нуржанова 3-орынды ийеледи. Таңлаўдан кейин жас сүўретши Б. Нурымбетов қатнасыўында масстер класс өткерилди.
Бүгинги күнде көпшилик қыз ҳәм ул балаларды қызықтирип киятырған спорт түрлеринен бири бул «Байдарка». Екинши баслама бойинша Нөкис қаласындағы Қизкеткен каналында спорттың ескек есиў түри бойынша Республика жаслар орайы Қарақалпақстан бөлиминде басламасы менен жарыс шөлкемлестирилди.
Сондай-ақ, жарыс қатнасыўшыларына «Мард ўғлон» сыйлығы ийеси Ислам Мамбетназаров қатнасыўында семинар болып өтти.
Оқыўшылар қысқа метражлы анимация дөретти
Үшинши басламаны қоллап-қуўатлап Республика жаслар орайы Қарақалпақстан бөлиминде «Компютер саўатлылығы ҳәм АКТ бағдарламашылары» дөгерек басшиси Ислам Исмайлов, Низаматдин Алламбергеновлар тәрепинен «Информация технологиялары ҳәм интернеттен нәтийжели пайдаланыў» темасында семинар-тренинг өткерилип, жаслар арасында Ехсеl программасыда мәселелерди шешиў, power point программасыда қысқа метражлы анимация дөретиў темаларында таңлаў шөлкемлестирилди.
Жаслар орайы мәлимлеме-ресурс орайына 400 китап саўға етилди
Төртинши баслама -тийкарында Республика Жаслар орайы мәлимлеме-ресурс орайына Жаслар бирлеспеси Қарақалпақстан Республикасы Кеңеси тәрепинен 400 китап саўға етилди. Соның менен бирге, жас китапқумарлар ушын «Мен оқыған китап» темасында интерактив шынығыў шөлкемлестирилип, китапқумарлар қайсы дәрежеде итибарлылығы анықланды.
-Бүгин бизлер китап оқыған ўақытта қаншели итибарсиз болғанымизды аңладық. Сол куни интерактив шынығыўлар даўамында берилген шалғытўшы сораўларға әпиўайы жуўапларды айтыў ушын көп ўақыт сарыпладық. Енди кемшиликлеримиз нелерде ибарат екенлигин билип алдық. Басқа китапўмарларғада итибарлы болыўын мәсләҳәт беремиз,- дейди жас китапқумарлардан бири Дилафруз Бектурдиева.
Жаслар орайында стилист ҳәм везажистлер қатнасыўында масстер класс уқып шөлкемлестирилди
Бесинши баслама -бойынша Республика жаслар орайы Қарақалпақстан бөлиминде «Шаштәрезлик» дөгереги тәрепинен ҳаял-қызларды кәсипке бағдарлаўға тәжирийбели стилист Мухаббат Абикеева ҳәм везажист Айнура Нәзеримбетовалар қатнасыўында масстер класс шөлкемлестирилди.
Масстер класста 10, 15 жыллық ис тәжирийбесине ийе стилистлер күндизги ҳәм ақшам пәрдазы ҳәм шаш түрмеклерин көрсетип берди.
«Шаштәрезлик» дөгереги оқыўшылары ҳәр бир айтылған мәсләҳәт ҳәм исленген жумысларды дыққат пенен баклап.
Бүгинги жаратылған образлар бизлерге жүдә унады. Ҳақыйқый стилист болыў ушын еле ўақыт бар екен. Сабақлар даўамында өзим итибарсыз болар екенмен. Бундай масстер класслар бизлерге бул кәсипке қызығыўшылығымызды және де арттырды,-дейди «Шаштәрезлик» дөгереги ағзасы Рустемова Наргиза.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы