лучший сайт где можно скачать шаблоны для dle 11.2 бесплатно

«Аязий билимданы» беллести

7-июнь күни пайтахтымыздағы «Жаслар орайы» нда Өзбекстан жаслар аўқамы Қарақалпақстан Республикалық Кеңеси басламасындағы «Аязий билимданлары» таңлаўының Қарақалпақстан Республикалық басқышы болып өтти. Таңлаўға қала ҳәм районлардан жәми 1300 ге жақын қатнасыўшылардан таңлап алынған 32 жас қатнасып, өз-ара беллести.
Өзбекстан Қаҳарманы, Өзбекстан ҳәм Қарақалпақстан халық шайыры Ибрайым Юсуповтың атын мәңгилестириў, шайыр шығармаларын еле де кең үгит-нәсиятлаў мақсетинде Өзбекстан жаслар аўқамы Қарақалпақстан Республикалық Кеңеси, Қарақалпақстан Жазыўшылар аўқамы, Қарақалпақстан Республикасы Композиторлар аўқамы, Қарақалпақстан Республикасы Телерадиокомпаниясы, Қарақалпақстан Республикасы Мәлимлеме ҳәм ғалаба коммуникациялар басқармасы қоспа-қарарына тийкарлнып «Аязий билимданы» таңлаўы ҳар жылы өткериўи дәстүрге айланған.
Таңлаўға әдебият бағдарына қызығыўшылығы жоқары болған 14 жастан 30 жас аралығындағы И.Юсупов шығармаларына қызығыўшы жаслар қатнасыў ҳуқықына ийе. Таңлаў 14-19, 20-30 еки жас категориясындағы жаслар арасында өткерилди.
Таңлаў жуўмағына көре 14-19 жас категориясы бойынша:
1-орынды  Шымбай районынан Гулехра Айтымуратова;
2-орынды Қараөзбек районынан Асадбек Қуралтаев;
3-орынды Елликқала районынан Зумрад Мирзаева.
Ал таңлаўдың 20-30 жас категориясы бойынша болса:
1-орынды  Нөкис районынан Улпери Айтназарова;
2-орынды Нөкис қаласынан Муса Жанабаев;
3-орынды Тахтакөпир районынан ШайдаКамаловалар жеңимпазлықты қолға киритди. Таңлаў соңында жеңимпазларға Өзбекстан жаслар аўқамы Қарақалпақстан Республикалық Кеңеси тәрепинен таярланған естелик саўғалар ҳәм дипломлар тапсырылды.
- Таңлаўды өткериўден тийкарғы мақсет жас талант ийелерин излеп табыў, оларды хошаметлеў, әдебият жөнелиси бойынша олардың билим көнликпелерин асырыў ҳәм шайыршылық, дөретиўшиликти раўажландырыў, сондай-ақ олардың әдебий китапларға болған қызығыўшылығын арттырыў, Өзбекстан Қаҳарманы Ибрайым Юсуповтың атын мәңгилестириў, шайыр шығармаларын еле де кең үгит-нәсиятлаўдан ибарат,- дейди Жаслар аўқамы Қарақалпақстан Республикалық Кеңеси бөлим баслығы Минажатдин Мамбетов.

Индира Мамбетназарова
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы