лучший сайт где можно скачать шаблоны для dle 11.2 бесплатно

Сенаттың жалпы мәжилисинде бир қанша нызамлар мақулланды

Ташкент қаласында  21-июнь күни Өзбекстан Республикасы Олий Мажлиси Сенатының жигирмаланшы жалпы мәжилиси болып өтти. 
«Ҳуқықый мәлимлеме»каналыныӊхабар бериўинше Сенаттың жалпы мәжилисинде бир қанша нызамлар мақулланды.

«Шахсқа байланыслы мағлыўматлар ҳаққында»ғы Нызам
Нызамға муўапық, шахсқа байланыслы мағлыўматлар физикалық шахсқа байланыслы болған ямаса оны идентификация етиў имкәниятын беретуғын, элекрон тәризде, қағазда ҳәм (ямаса) басқа материаллық затта көрсетилген (дизимге алынған) мәлимлеме есапланады.
Нызам менен Ҳүкимет жанындағы Мәмлекетлик персоналластырыў орайы шахсқа байланыслы мағлыўматлар тараўындағы ўәкилликли мәмлекетлик органы етип белгиленди.
«Өзбекстан Республикасының Есап палатасы ҳаққында»ғы Нызам
Нызамға муўапық, Есап палатасы мәмлекет сыртқы аудити ҳәм финанслық қадағалаўдың жоқары органы есапланады.
Нызам менен Есап палатасының тийкарғы ўазыйпалары белгилеп берилди.

«Өзбекстан Республикасының Жынаят, Жынаят-процессуал кодекслерине ҳәм Өзбекстан Республикасының Ҳәкимшилик жуўапкершилик ҳаққындағы кодексине өзгерис ҳәмде қосымшалар киргизиў ҳаққында»ғы Нызам
Нызам менен шахсқа байланыслы мағлыўматларды қорғаў ҳаққындағы нызам ҳүжжетлерин бузғанлығы ушын жынайый ҳәм ҳәкимшилик жуўапкершилик шаралары белгиленбекте.
Сондай-ақ, мийнет етиў ҳуқыкын, мийнетти қорғаў қағыйдаларын бузғанлығы ушын жынайый жуўапкершилик күшейтилмекте.
 «Қурал ҳаққында»ғы Нызам

Нызамға муўапық, қураллар мақсети ҳәмде тийкарғы параметрлери ҳәм характеристикаларына көре пуқаралық қурал, хызмет қуралы ҳәм жаўынгер қурал түрлерине бөлинеди.
Пуқаралық ҳәм хызмет қураллары Миллий гвардия органларының үш айлық рухсатнамалары тийкарында алыныўы мүмкин.

Сенаттың жалпы мәжилисинде “Туризм ҳаққында”ғы Нызам мақулланды


Нызам менен Туризмди раўажландырыў мәмлекетлик комитети туризм тараўындағы ўәкилликли мәмлекетлик органы етип белгиленди.
Нызамда, туризм тараўындағы мәмлекетлик сиясаттың тийкарғы бағдарлары, туризмниң формалары ҳәм түрлери, туристлик индустриясы ҳәм ондағы хызметлер түрлери, туристлик зоналар ҳәм туристлик кластерлер, туризм тараўындағы искерликти әмелге асырыў шәртлери, туристлик өнимди қәлиплестириў, үгит-нәсиятлаў ҳәм реализация етиўдиң өзгешеликлери, сондай-ақ туризм тараўы субъектлериниң ҳуқық ҳәм мәжбүриятлары нәзерде тутылмақта.

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы