лучший сайт где можно скачать шаблоны для dle 11.2 бесплатно

«Келешекке Intellekt пенен қәдем қоямыз»


Республикамызда мәмлекетлик емес, коммерциялық емес шөлкемлерди шөлкемлестириў, олардың еркин жумыс алып барыўы ушын шәраят жаратыў ҳәм мәмлекетимизде әмелге асырылып атырған демократиялық өзгерислердиң және де раўажланыўына белсенди қатнасыў ушын жол ашып бериў мақсетинде 200 ден артық норматив-ҳуқықый ҳүжжетлер қабыл етилген. Олар “Мәмлекетлик емес, коммерциялық емес шөлкемлер ҳаққында”ғы, “Жәмийетлик фондлар ҳаққында”ғы, “Мәмлекетлик емес, коммерциялық емес шөлкемлери кепилликлери ҳаққында”ғы Нызамлары ҳәмде басқа норматив-ҳуқықый ҳүжжетлерде берилген. Қалаберсе, “Мәмлекетте демократиялық жаңалаўда пуқаралық жәмийети институтларының ролин түптен асырыў ис-илажлары ҳаққында”ғы 2018-жылы 4-май күнги ПП-5430-санлы Өзбекстан Республикасы Президентиниң Пәрманына муўапық мәмлекетимизде алып барылып атырған усы бағдардағы илажлар сын талқыланып, қәте кемшиликлер атап өтилди ҳәмде алдағы ўазыйпалар белгилеп берилди. Ендигиден былай мәмлекетлик емес, коммерциялық емес шөлкемлердиң жумысларын муўапықластырып барыў мақсетинде Президент жанында Пуқаралық институтларын раўажландырыў бойынша Мәслаҳат кеңеси шөлкемлестирилди. Бул ҳақыйқаттанда мәмлекетлик емес, коммерциялық емес шөлкемлердиң еркин ислесиўи ушын мәмлекет сиясаты дәрежесине көтерилди деп түсиниўге болады.
Әдиллик министрлиги тәрепинен мәмлекетлик емес, коммерциялық шөлкемлерди мәмлекетлик дизимнен өткериў бойынша www.ngo.minjust.uz сайты арқалы интерактив хызметлер жолға қойылды. Сондай-ақ, ҳәзирде республикамызда жумыс алып барып усындай жәмийетлик шөлкемлердиң жыллық есабатларын электрон көринисте тапсырыў бойыншада жақсы шәраят жаратылды. Атап айтқанда, Әдиллик министрлигине тапсырылатуғын есабатлар жылына бир мәрте белгиленди ҳәм www.e-ngo.uz сайты арқалы «электрон санлы имза» менен ямаса «One ID» коды арқалы есабатларды усыныў жолға қойылды. Буннан тысқары мәмлекетлик емес, коммерциялық шөлкемлерине тийисли хызметлерди шөлкем кабинети арқалы пайдаланыў мүмкин. Сондай-ақ, мәмлекетлик емес, коммерциялық шөлкемлери салық есабатларын www.my.soliq.uz сайты арқалы электрон көринисте тапсырып барыў белгиленген. Демек, мәмлекетлик емес, коммерциялық шөлкемлердиң жумыс алып барыў тәртибиндеги жеңилликлери, жумыс өнимдарлығын асырыўға, артықша ўақыттың ҳәм қәрежеттиң жумсалмаўына алып келмекте. Бул өз гезегинде мәмлекетимизде санлы экономиканың раўажланыўының бир көриниси деп түсинсек болады.
«Intellekt» жаслар шөлкеми мәмлекетимиздиң ең шетки аймақларында жасаўшы ҳаял-қызлардың, жаслардың саламат турмыс тәризин тәмийинлеў, оларды кәсип-өнерге үйретиў, социаллық жақтан қоллап-қуўатлаў максетинде 2007-жылдан баслап жумыс алып бармақта. Шөлкем тәрепинен усы күнге шекем республикамыздың шетки аймақларында жәмийетлик, социаллық бағдарлардағы әҳмийетли ўазыйпаларды әмелге асырыў бойынша бир қанша жойбарларды әмелге асырыўға еристи. Халықтың жәрдемге мүтәж қатламларына мәнзилли көмеклесиў, имкәнияты шекленген жаслардың жәмийетлик белсендилигин асырыў, жәмлеспеген жаслар ҳәмде ҳаял-қызлардың бәнтлигин тәмийинлеўге қаратылған исбилерменлик көнликпелерин асырыў бойынша илажларды турмысқа енгизип келмекте.
Өзбекстан Республикасы Олий Мажлиси жанындағы мәмлекетлик емес коммерциялық емес шөлкемлерди ҳәм пуқаралык жәмийетиниң басқа институтларын қоллап-қуўатлаў бойынша жәмийетлик фондының 2018-жылы “Өсип киятырған жас әўладты руўҳый жетик, саламат етип тәрбиялаўға, оларда исбилерменлик, илимий, дөретиўшилик ҳәм нтеллектуал қәбилетлерин қәлиплестириўге көмеклесиў” атамасындағы мәмлекетлик грант таңлаўында “Intellekt” жаслар шөлкеми “Келешекке интеллект пенен қәдем таслаймыз” атамасындағы жойбары менен жеңимпаз болды. Жойбар мақсетине муўапық Шоманай районындағы жәмлеспеген жасларды, кем тәмийинленген шанарақ ағзаларын ҳәм жумыссыз пуқараларды бийпул компьютер дөгерегинде билим бериў курсына қамтыў ҳәмде олардың арасынан исбилерменлик пенен шуғылланыў нийетиндеги жаслардың бизнес жойбарларын қоллап-қуўатлаўдан ибарат ҳәмде келешекте олардың бәнтлигин тәмийинлеўге қаратылған еди. Парламент жанындағы Жәмийетлик фонд комиссиясы тәрепинен шөлке

мниң мақсетли жойбарын турмысқа енгизиў бойынша яғный жойбар мақсетине муўапық хызметкерлер ис ҳақысы ҳәм компьютер оқытыў дөгерегин шөлкемлестириў ушын компьютер үскенелерин сатып алыўға қаржы ажыратылды. Жойбар бойынша Шоманай районындағы колледж питкериўшилери, кем тәмийинленген шанарақ ағзаларының перзентлери ҳәм жумыссыз пуқаралардың компьютер саўатқанлығын асырыў бойынша оқыў бағдарламасы ислеп шығылып, 2019-жылдың январь айынан баслап усы күнге шекем 370 аслам пуқаралар бийпул курсларда оқытылды. Сондай-ақ, олардың келешекте жумысқа орналастырыў бойынша ҳәр бир питкериўши ушын оқыў курсын тамамлағанлығы ҳаққында Сертификатлар тапсырылды.
Өзбекстан Республикасы Президенти Ш.Мирзиёевтиң Олий Мажлиске жоллаған Мүрәжатында мәмлекетлик емес коммерциялық емес шөлкемлер ҳәм пуқаралық жәмийетиниң басқа да институтлары ҳәзирги ўақытта халықты ойландырып киятырған машқалаларға мәмлекетлик уйымлардың итибарын қаратып, өзлериниң тийкарланған усынысларын берип барыўы мақсетке муўапық болады деп пикир билдирген еди.
Шөлкем келешекте шетки аймақлардағы жаслардың бәнтлигин тәмийинлеў, имкәнияты шекленген жасларды өнерге үйретиў, бүгинги заман технологияларынан ақылға уқрас пайдаланыў көнликпелерин берип барыўда әҳмийетли жойбарларды турмысқа енгизиў бойынша жумыс алып барыўды режелестирмекте.


Бекназаров Қутлыбай
«Intellekt» жаслар шөлкеми
директорыскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы