лучший сайт где можно скачать шаблоны для dle 11.2 бесплатно

Ташкентте жаңа университет шөлкемлестирилди

Өзбекстан Республикасы Президентиниӊ 2019-жыл 7-январьдағы ПҚ-4097-санлы қарары менен Ташкент қаласында Амити Университети шөлкемлестирилди. Университетте  информация-коммуникация технологиялары тараўында, биринши нәўбетте, дәстүрий тәмийнатты ислеп шығыў, мәлимлеме системалары ҳәм компьютер тармақларын басқарыў бойынша халықаралық  стандартлар дәрежесинде жоқары билимге ийе қәнигелер таярланады.
(Фото: hindustantime.com)
Университеттиӊ билимлендириў жумыслары 2019/2020 оқыў жылынан басланады.
Университетти тамамлаған питкериўшилерге Өзбекстан Республикасында жоқары мағлыўмат ҳаққындағы ҳүжжет сыпатында көрсетилетуғын Амити Университетиниӊ (Ҳиндстан Республикасы) белгиленген үлгидеги дипломы бериледи.
Еслетип өтемиз Өзбекстан Республикасы Президенти Ш.М.Мирзиёев 2018-жылдыӊ 30-сентябрь ҳәм 1-октябрь күнлери аралығында Ҳиндистанға болған сапары даўамында билимлендириў тараўы бойынша бирге ислесиў  мәселелери, атап айтқанда Амити жетекши жоқары оқыў орныныӊ Ташкент қаласындағы филиалын ашыў мәселесин биргеликте ислеп шығыў бойынша келисимге келген еди
(Еки мәмлекет ИКТ министрлери – Шуҳрат Содиқов ҳәм Рави Шанкар Прасад.
Фото: aninnews.in)
Мағлыўмат ушын, Амити университети Ҳиндистанныӊ жеке коммерциялық емес жоқары оқыў орны болып, бас бинасы Ҳиндстанныӊ Ноида қаласында жайласқан. Сондай-ақ, мәмлекеттеги 11 қалада кампуслары, Нью-йорк, Лондон, Дубай, Сингапур, Қытай ҳәм ҚАРда филиаллары бар.
«Times Higher Education» ҳәм  «QC Ranking» халықаралық рейтинг компаниялардыӊ мәлим етиўинше, Амити университети дүньяныӊ еӊ абройлы 1000, Азияныӊ 300 жоқары оқыў орны қатарына киреди. Онда 150 мыӊнан зыят студентлер билим алады.



Сайтымыздың телеграмдағы каналына ағза болың:https://t.me/Zamanuz
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы