лучший сайт где можно скачать шаблоны для dle 11.2 бесплатно

Жәмийетшилик қадағалаўын күшейтиўде мәмлекетлик емес шөлкемлериниң орны


Нөкис қаласында «Истиқболли авлод» Республика социал-информациялық орайы Қарақалпақстан Республикасы бөлими тарепинен «Мадад» мәмлекетлик емес коммерциялық шөлкеми, АҚШтың USAID агентлиги ҳуқықый реформалар Бағдарламасының қаржылай көмегинде «Пуқаралық жәмийети институтларының жәмийетшилик қадағалыўында қатнасын асырыў» атамасында дөңгелек стол сәўбети болып өтти.

Онда Өзбекстан Республикасы Олий Мажлиси Нызамшылық палатасы депутаты Л.Сеитова, Қарақалпақстан Республикасы Әдиллик Министрлиги ҳәм қаладағы Мәмлекетлик емес Коммерциялық емес шөлкемлер қатнасты.

Дөңгелек столда экспертлер тәрепинен Өзбекстан Республикасы «Жәмийетшилик қадағалаўы ҳаққында» ғы Нызамының мазмун-мәниси, ҳуқықый тәреплери ҳәм оның орынланыўының әмелий механизмлери түсиндирилди.
 
Бүгинги күнде мәмлекетимизде мыңға жақын мәмлекетлик емес коммерциялық емес шөлкемлер бар болсада, олардың  көпшилиги жәмийетте өз орнына ийе емес, жумыс барысы сезилмейтуғын екенлиги атап өтилип, тараўдағы машқалалар додаланды.
 
– «Бүгинги күнде орайға пуқаралардан ең көп мүрәжат шаңарақларда ажырымлар болғансоң пайда болатуғын алимент өндириў мәселесинде. Ондан тысқары «Темир дәптер», «Жаслар дәптери» ҳәм «Ҳаяллар дәптери» не кириў менен байланыслы машқалалар, пуқаралардың бир мәселе бойынша қайта-қайта мүрәжат етиўи, мысал ушын жумыс менен тәмийинлеў сияқлы мәселелер  халқымызды көбирек қыйнамақта. Сәўбетте  усындай машқалалар бойынша усынысларымды билдирдим. Олар тийисли тәртипде көрип шығылып, үнамлы шешиледи деген үмиттемен» - дейди «Истиқболли авлод» Республика социал-информациялық орайы Қарақалпақстан Республикасы бөлими юристи Б.Даулетбаев.
 
Иләж соңында қатнасыўшылар нызамшылықты жәнеде раўажландырыўға қаратылған үсынысларын ислеп шықты.
 
 «Истиқболли авлод» Республика социал-информациялық орайы Қарақалпақстан Республикасы бөлими
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы