лучший сайт где можно скачать шаблоны для dle 11.2 бесплатно

Кимлерге контракт төлемине салық жеңиллиги қолланылады?

Өзбекстан Республикасы Салық кодексиниң 378-статьясына муўапық Өзбекстан Республикасының жоқары оқыў орынларында тәлим алып атырған жигирма алты жасқа толмаған перзентлери ямаса өмирлик жолдасының ҳәм өзиниң төлеў контрактлерине жөнелтирилген суммалар дәрамат салығынан азат етилген.

Сондай-ақ, Өзбекстан Республикасы Әдиллик министрлигинен 2010-жыл 27-майда 2107-сан менен дизимнен өткен “Өзбекстан Республикасының жоқары оқыў орынларында тәлим алыў ушын жөнелтирилетуғын қаржыларға физикалық шахслардан алынатуғын дәрамат салығы бойынша жеңиллик қоллаў тәртиби ҳаққында”ғы нызамының 3-бөлиминде салық шегирмесин физикалық шахстың жәми жыллық дәраматы ҳақкындағы декларациясы тийкарында бериў тәртиби белгиленген. Усы нызамның 17-бәнтинде салық шегирмесине болған ҳуқықты тастыйықлаў ушын аймақлық салық уйымларына усынылатуғын ҳүжжетлер дизими келтирилген.

Бунда:
-оқыўшы менен Өзбекстан Республикасы ЖОО арасында төлемли контракт тийкарында оқытыў ҳаққындағы дүзилген шәртнама көширмеси;
-коммерциялық банк пенен тәлим кредитин алыў ушын дүзилген шәртнама көширмеси;
-Өзбекстан Республикасы ЖОО есап бетине (тәлим кредитин төлегенде банк есап бетине) пул қаржыларын ғәрезсиз рәўиште төлегенлигин тастыйықлаўшы ҳүжжетлер көширмеси;
-паспорт көширмеси (салық жеңиллиги тәлим алыўшының өзи тәрепинен қолланылғанда)
-паспорт көширмеси (салық жеңиллиги ата-ана тәрепинен қолланылғанда) ҳәм тәлим алыўшының туўылғанлық ҳаққындағы гүўалық көширмеси.
Жоқарыда атап өтилген ҳүжжетлерге тийкар жәми жыллық дәраматы ҳаққындағы декларация тийкарында тапсырған пуқаралар тәрепинен толық тапсырылыўы лазым. Бул ҳүжжетлердиң нусқалары усынылмаған жағдайда салық инспекциясы тәрепинен декларация тийкарында дәраматынан жеңиллик қолланылмаўына тийкар болыўы мүмкин.

Қарақалпақстан Республикасы мәмлекетлик салық басқармасы Баспасɵз хызмети
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы